മഹേഷിന്റെ പ്രതികാരത്തിന് ശേഷം ഫഹദ് ഫാസിലും ദിലീഷ് പോത്തനും വീണ്ടും ഒന്നിക്കുന്ന തൊണ്ടിമുതലും ദൃക്സാക്ഷിയും എന്ന സിനിമയുടെ ഫസ്റ്റ് ലുക്ക് പോസ്റ്ററെത്തി. ഫഹദിനൊപ്പം ദുരൂഹതയുണര്ത്തുന്ന സാഹചര്യത്തിലുള്ള പോസ്റ്ററില് സുരാജ് വെഞ്ഞാറമൂടിനേയും കാണാം.
കാസര്കോടിന്റെ പശ്ചാത്തലത്തില് കഥ പറയുന്ന സിനിമയാണ് തൊണ്ടിമുതലും ദൃക്സാക്ഷിയും. സംവിധായക വേഷം അഴിച്ചുവെച്ച് രാജീവ് രവി ക്യാമറ ചലിപ്പിക്കാനെത്തുന്ന എന്നതാണ് തൊണ്ടിമുതലും ദൃക്സാക്ഷിയുടേയും മറ്റൊരു പ്രത്യേകത. പ്രേക്ഷകര്ക്ക് ഏറെ പ്രിയപ്പെട്ട അലന്സിയറും, സൗബിന് ഷാഹിറും ഫഹദിനൊപ്പം തൊണ്ടിമുതലിലും ദൃക്സാക്ഷിയിലുമുണ്ട്.
മഹേഷിന്റെ പ്രതികാരത്തിന്റെ വലിയ വിജയത്തിന് ശേഷം പ്രേക്ഷകര് പ്രതീക്ഷയോടെ കാത്തിരിക്കുന്ന ഫഹദ് ചിത്രമാണിത്. ദിലീഷ്-ഫഹദ് കോമ്പിനേഷനില് മാജിക് വിജയം പ്രതീക്ഷിച്ച് ഉര്വശി തീയറ്റേഴ്സിന്റെ ബാനറില് സന്ദീപ് സേനനും അനീഷ് എം തോമസും ചേര്ന്നാണ് ചിത്രം നിര്മ്മിക്കുന്നത്. പത്രപ്രവര്ത്തകനായ സജീവ് പാഴുരിന്റേതാണ് കഥയും തിരക്കഥയും സംഭാഷണവും.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ