മുംബൈ: ബോളിവുഡ് സംവിധായകന് മാധുര് ഭണ്ഡാര്ക്കറെ കൊലപ്പെടുത്താന് വാടക കൊലയാളികളെ ഏര്പ്പെടുത്തിയെന്ന കേസില് കുറ്റക്കാരെന്ന് കണ്ടെത്തിയ മോഡലിങ് താരം പ്രീതി ജെയിനിനും മറ്റ് രണ്ട് പേര്ക്കും കോടതി തടവ് ശിക്ഷ വിധിച്ചു. ഗൂഢാലോചനയില് പങ്കുണ്ടെന്ന് തെളിഞ്ഞതിനെ തുടര്ന്ന് മൂന്ന് വര്ഷത്തെ തടവു ശിക്ഷയാണ് പ്രീതിക്ക് കോടതി വിധിച്ചിരിക്കുന്നത്.
സിനിമയില് അഭിനയിപ്പിക്കാമെന്ന് പറഞ്ഞ് മാധുര് തന്നെ ലൈംഗീകമായി ഉപയോഗിക്കുകയായിരുന്നുവെന്നാണ് പ്രീതി ജെയിനിന്റെ ആരോപണം. ഇതിനെ തുടര്ന്ന് ഭണ്ഡാര്ക്കറിനെ കൊലപ്പെടുത്തുന്നതിനായി മുന് അധോലോക നേതാവും രാഷ്ട്രീയക്കാരനുമായ അരുണ് ഗവ്ലിയെ പ്രീതി ചുമതലപ്പെടുത്തുകയായിരുന്നു.
ഇതിനായി 70000 രൂപ ആദ്യപടിയായി പ്രീതി ഗവ്ലിയുടെ അനുയായിക്ക് കൈമാറി. ഗവ്ലിയുടെ അനുയായി ആയ അഭിഭാഷകന് ഭഗാവെ ഇക്കാര്യം പൊലീസിന്റെ ശ്രദ്ധയില്പ്പെടുത്തിയതോടെയാണ് പ്രീതിയുടെ പങ്ക് പുറത്തറിയുന്നത്.
സിനിമയില് വേശം തരാമെന്ന് പറഞ്ഞ് ഭണ്ഡാര്ക്കര് തന്നെ ലൈംഗീകമായി ചൂഷണം ചെയ്തെന്ന് ആരോപിച്ച് പ്രീതി പൊലീസില് പരാതി നല്കിയിരുന്നു. ഇതുമായി ബന്ധപ്പെട്ട് ഭണ്ഡാര്ക്ക് തനിക്കയച്ച എസ്എംഎസുകളും പൊലീസിന്റെ ശ്രദ്ധയില്പ്പെടുത്തിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ