സ്‌ക്രിപ്റ്റ് തിരുത്തണമെന്ന് അക്ഷയ് കുമാര്‍; പറ്റില്ലെന്ന് സംവിധായകന്‍, മോഗുളില്‍ താരമില്ല

ചില രംഗങ്ങള്‍ മാറ്റണമെന്നും, സീനുകള്‍ തിരുത്തി എഴുതണമെന്നും സംവിധായകനോട് അക്ഷയ് കുമാര്‍ ആവശ്യപ്പെടുകയായിരുന്നു
സ്‌ക്രിപ്റ്റ് തിരുത്തണമെന്ന് അക്ഷയ് കുമാര്‍; പറ്റില്ലെന്ന് സംവിധായകന്‍, മോഗുളില്‍ താരമില്ല

മുംബൈ : പ്രശസ്ത സംഗീതകാരന്‍ ഗുല്‍ഷന്‍ കുമാറിന്റെ ജീവിതം ആസ്പദമാക്കി ചിത്രീകരിക്കുന്ന ബോളിവുഡ് സിനിമയാണ് മോഗുള്‍. സുഭാഷ് കപൂറാണ് ചിത്രം സംവിധാനം ചെയ്യുന്നത്. ചിത്രത്തില്‍ പ്രധാന കഥാപാത്രത്തെ അവതരിപ്പിക്കാന്‍ തീരുമാനിച്ചിരുന്നത് പ്രശസ്ത താരമായ അക്ഷയ് കുമാറിനെയാണ്. എന്നാല്‍ സ്‌ക്രിപ്റ്റ് വായിച്ച അക്ഷയ്കുമാര്‍, ചില രംഗങ്ങള്‍ മാറ്റണമെന്നും, സീനുകള്‍ തിരുത്തി എഴുതണമെന്നും സംവിധായകനോട് ആവശ്യപ്പെടുകയായിരുന്നു. 

എന്നാല്‍ താരത്തിന്റെ നിര്‍ദേശങ്ങളെ സംവിധയകന്‍ സുഭാഷ് കപൂര്‍ പാടെ അവഗണിച്ചു. ഇതേത്തുടര്‍ന്ന് താരവും സംവിധായകനും തമ്മിലുള്ള അകല്‍ച്ച വര്‍ധിച്ചു. ഇതിനു പിന്നാലെയാണ് അക്ഷയ് കുമാര്‍ ചിത്രത്തില്‍ നിന്നും ഒഴിവാകാന്‍ തീരുമാനിച്ചതായി റിപ്പോര്‍ട്ട് വന്നത്. 

അടുത്ത വര്‍ഷം ചിത്രം റിലീസ് ചെയ്യാനായിരുന്നു തീരുമാനിച്ചിരുന്നത്. ചിത്രത്തിന്റെ പോസ്റ്റര്‍ അക്ഷയ്കുമാര്‍ നേരത്തെ പുറത്തുവിട്ടിരുന്നു. അക്ഷയ് കുമാറും സുഭാഷ് കപൂറും നേരത്തെ ഒരുമിച്ച് സിനിമ ചെയ്തിട്ടുണ്ട്. ബോളിവുഡില്‍ മികച്ച പ്രതികരണം സൃഷ്ടിച്ച ജാളി എല്‍എല്‍ബി 2 എന്ന ചിത്രം അക്ഷയ്കുമാറും സുഭാഷ് കപൂറും ചേര്‍ന്നൊരുക്കിയതാണ്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com