ഷെയിന് നിഗം നായക കഥാപാത്രത്തെ അവതരിപ്പിച്ചിട്ടുള്ള ഈട ഉടന്‍ തീയറ്ററുകളില്‍ എത്താനുള്ള തയ്യാറെടുപ്പുകളിലാണ്. കണ്ണൂര്‍ പശ്ചാതലമാക്കി ഒരുക്കിയിട്ടുള്ള പ്രണയചിത്രമാണ് ഈട. നിമിഷ വിജയനാണ് ചിത്രത്തിന്‍ ഷെയിന്റെ നായികയായി എത്തുന്നത്. ഈടയ്ക്ക് ശേഷം കൈനിറയെ ചിത്രങ്ങളുമായാണ് ഷെയിന് 2018ലേക്ക് കടക്കുന്നത്. അന്‍വര്‍ റഷീദ് നിര്‍മിക്കുന്ന ബിഗ് ബഡ്ജറ്റ് ചിത്രമായ വലിയപെരുന്നാളായിരിക്കും പുതുവര്‍ഷത്തില്‍ ഷെയിന് അഭിനയിക്കുന്ന ആദ്യ ചിത്രം. ചിത്രം ജനുവരിയില്‍ ചിത്രീകരണം ആരംഭിക്കുമെന്ന് പ്രതീക്ഷിക്കപ്പെടുന്നത്.
വലിയപെരുന്നാളിന് ശേഷം മെയോടെ ഷെയ്ന്‍ പുതുമുഖ സംവിധായകന്റെ പൈങ്കിളി എന്ന ചിത്രത്തിനൊപ്പം ചേരും. റൊമാന്റിക് കോമഡിചിത്രമായ പെരുന്നാളില്‍ പുതിയ ലുക്കിലായിരിക്കും ഷെയിന് എത്തുക എന്നാണ് അറിയാന്‍ കഴിയുന്നത്. നൃത്തത്തിലുള്ള ഷെയിന്റെ കഴിവും ചിത്രം പകര്‍ത്തിയെടുക്കും.
ഇതിനോടകം വാര്‍ത്തകളില്‍ ഇടം നേടിയ കുംബളങ്ങി നൈറ്റ്‌സിലായിരിക്കും പൈങ്കിളിക്ക് ശേഷം ഷെയ്ന്‍ അഭിനയിക്കുക. ദിലീഷ് പോത്തന്‍, ശ്യാം പുഷ്‌കരന്‍, ഫഹദ് ഫാസില്‍ എന്നിവര്‍ നിര്‍മാതാക്കളാകുന്ന ചിത്രത്തിന്റെ സംവിധായകന്‍ പുതുമുഖം മധു സി നാരായണന്‍ ആണ്. ശ്യാം പുഷ്‌കരന്റെതാണ് തിരകഥ.
ഷെയ്ന്‍ നിഗം നായകനാകുന്ന ചിത്രീകരണം പൂര്‍ത്തിയാക്കിയ മറ്റൊരു ചിത്രമാണ് ഷാജി എന്‍ കരുണ്‍ സംവിധാനം ചെയ്യുന്ന ഓള്. പീഡനത്തിന് ഇരയാകുന്ന പ്രായപൂര്‍ത്തിയാകാത്ത മലബാര്‍ പെണ്‍കുട്ടിയുടെ കഥപറയുന്ന ചിത്രത്തില്‍ എസ്തര്‍ അനില്‍ ഒരു പ്രധാന വേഷത്തില്‍ എത്തുന്നുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
