സൂപ്പര്‍ ഹിറ്റ് ചിത്രമായ കബാലിക്കു ശേഷം പാ രഞ്ജിത്ത് സ്റ്റൈല്‍ മന്നന്‍ രജനീകാന്തിനെ നായകനാക്കി നിര്‍മിക്കുന്ന കാല കരികാലനില്‍ മമ്മുട്ടിയും പ്രധാന വേഷത്തിലെത്തുമെന്ന് റിപ്പോര്‍ട്ട്. സിനിമയില്‍ ഡോ. അംബേദ്കറിന്റെ വേഷത്തിലായിരിക്കും മെഗാസ്റ്റാര്‍ എത്തുകയെന്നാണ് റിപ്പോര്‍ട്ട് നല്‍കുന്ന സൂചന.
സിനിമയുടെ ഫസ്റ്റ് ലുക്കില്‍ രജിനീകാന്ത് ഇരിക്കുന്ന ജീപ്പിന്റെ രജിസ്‌ട്രേഷന്‍ നമ്പര്‍ ബിആര്‍ 1956 എന്നാണ്. 1956ലാണ് അംബേദ്കര്‍ അന്തരിച്ചത് എന്നതിനാലും പാ രഞ്ജിത് എന്ന സംവിധായകനായതിനാലും അംബേദ്കര്‍ എത്തുമെന്നു തന്നെയാണ് ആരാധകരും വിശ്വസിക്കുന്നത്.
റൂമറുകള്‍ ശരിയാണെങ്കില്‍ അംബേദ്കറുടെ വേഷം ചെയ്ത് പരിചയമുള്ള മമ്മുട്ടിയല്ലാതെ മറ്റാരും വരില്ലെന്നാണ് റിപ്പോര്‍ട്ടുകള്‍ ചൂണ്ടിക്കാണിക്കുന്നു. ധനുഷ് നിര്‍മിക്കുന്ന ചിത്രത്തില്‍ ബോളിവുഡ് നടി ഹ്യുമ ഖുരേഷിയാണ് നായിക. അധോലോക നായകനായാണ് രജനി ചിത്രത്തില്‍ എത്തുന്നത്. സിനിയുടെ ഷൂട്ടിംഗ് മുംബൈയില്‍ പുരോഗമിക്കുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
