രാജ്യദ്രോഹിയാക്കുമെന്ന് പേടിച്ച് ആലിയ ഭട്ട്; കാശ്മീര്‍ ഇതിവൃത്തമാകുന്ന സിനിമയില്‍ അഭിനയിക്കും

രാജ്യദ്രോഹിയാക്കുമെന്ന് പേടിച്ച് ആലിയ ഭട്ട്; കാശ്മീര്‍ ഇതിവൃത്തമാകുന്ന സിനിമയില്‍ അഭിനയിക്കും

തല്‍വാര്‍ സംവിധായിക മേഘ്‌ന ഗുല്‍സാര്‍ കാശ്മീര്‍ പ്രശ്‌നങ്ങളെ ഇതിവൃത്തമായി ഒരുക്കുന്ന ചിത്രത്തില്‍ ബോളിവുഡ് സൂപ്പര്‍ താരം ആലിയ ഭട്ട് കേന്ദ്ര കഥാപാത്രത്തെ അവതരിപ്പിക്കും. നിലവിലെ സാഹചര്യത്തില്‍ കാശ്മീര്‍ പ്രശ്‌നവുമായി ബന്ധപ്പെട്ട സിനിമയില്‍ അഭിനയിക്കുന്നതിന് ബുദ്ധിമുട്ടുണ്ടെന്ന് ആദ്യം പറഞ്ഞ ആലിയ പിന്നീട് സമ്മതം മൂളുകയായിരുന്നുവെന്നാണ് റിപ്പോര്‍ട്ടുകള്‍.

ബോളീവുഡില്‍ ഏറെ ചര്‍ച്ചചെയ്യപ്പെട്ടതും നിരൂപക പ്രശംസ ലഭിച്ചതുമായ തല്‍വാറിന്റെ സംവിധായിക ഒരുക്കുന്ന ചിത്രമായതിനാല്‍ തന്നെ അഭിനയിക്കുന്നത് ആലിയാ ഭട്ടിന്റെ കരയിറിന് ഗുണം ചെയ്യുമെന്നാണ് വിലയിരുത്തലുകള്‍. അതേസമയം, ഇത്തരം വേഷം ചെയ്താല്‍ തന്നെ രാജ്യദ്രോഹിയാക്കുമെന്ന പേടി ആലിയയ്ക്കുണ്ടെന്നുമാണ് ഇതുമായ ബന്ധപ്പെട്ട വൃത്തങ്ങള്‍ നല്‍കുന്ന സൂചന. 

കൊമേഴ്‌സ്യല്‍ മസാല ചിത്രങ്ങളില്‍ അഭിനയിക്കുന്നതിനൊപ്പം സമകാലീന പ്രശ്‌നങ്ങളെ തുറന്നു കാണിക്കുന്ന സിനിമയില്‍ അഭിനയിക്കുന്നത് നടി എന്ന നിലയില്‍ ഏറെ ഗുണം ചെയ്യുമെന്ന ആലിയാ ഭട്ടിന്റെ പിതാവ് മഹേഷ് ഭട്ടിന്റെ ഉപദേശം സമ്മതം മൂളാന്‍ പ്രേരിപ്പിച്ചിട്ടുണ്ട്. 

സ്റ്റുഡന്റ് ഒഫ് ദ ഇയര്‍ എന്ന സിനിമയിലൂടെ അഭിനയരംഗത്തെത്തിയ ആലിയ നിരവധി ചിത്രങ്ങളില്‍ ശ്രദ്ദേയ വേഷം ചെയ്തിട്ടുണ്ട്. ഹൈവേ, ഉഡ്താ പഞ്ചാബ് തുടങ്ങിയ ചിത്രങ്ങളിലെ അഭിനയത്തിന് ആലിയയ്ക്ക് ഏറെ അഭിനന്ദനം ലഭിച്ചിരുന്നു.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com