പ്രേക്ഷകര് ഏറെ പ്രതീക്ഷയോടെ കാത്തിരിക്കുന്ന പൃഥ്വിരാജ്-ഇന്ദ്രജിത് ചിത്രം ടിയാന്റെ റിലീസ് മാറ്റിവെച്ചു. സെന്സര് ബോര്ഡുമായി ബന്ധപ്പെട്ട് ചില പ്രശ്നങ്ങളാണ് റിലീസ് നീട്ടിവെക്കാന് കാരണം. തന്റെ ഫേസ്ബുക്ക് പോസ്റ്റിലൂടെ പൃഥ്വിരാജ് തന്നെയാണ് ഇക്കാര്യം വ്യക്തമാക്കിയത്. പുതിയ റിലീസ് ഡേറ്റ് അറിയിക്കാമെന്നും ആകാക്ഷയോടെയുള്ള പ്രേക്ഷകരുടെ പിന്തുണയ്ക്കും നന്ദിയെന്നും പൃഥ്വിരാജ് തന്റെ ഫേസ്ബുക്ക് പോസ്റ്റില് കുറിച്ചു.
മുരളീഗോപിയുടെ തിരക്കഥയില്, കൃഷ്ണകുമാര് സംവിധാനം ചെയ്ത ചിത്രം ഈദ് റിലീസായി 29 തീറ്ററുകളിലെത്തുമെന്നാണ് അണിയറ പ്രവര്ത്തകര് അറിയിച്ചിരുന്നത്. പൃഥ്വിരാജ്, ഇന്ദ്രജിത്ത്, പത്മപ്രിയ, മുരളീഗോപി, അനന്യ, സുരാജ് വെഞ്ഞാറമ്മൂട്, ഷൈന് ടോം ചാക്കോ എന്നിങ്ങനെ വലിയ താരനിര തന്നെയുണ്ട് ടിയാനില്.പൂനെ, മുംബൈ, നാസിക്ക് എന്നിവിടങ്ങളില് ചിത്രീകരിച്ചിരിക്കുന്ന ചിത്രം 15 കോടി മുതല് മുടക്കിലാണ് നിര്മ്മിച്ചിരിക്കുന്നത്. റെഡ് റോസ് ക്രിയേഷന്സിന്റെ ബാനറില് ഹനീഫ് മുഹമ്മദാണ് ചിത്രം നിര്മ്മിച്ചിരിക്കുന്നത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ