ഗ്ലാമറസ് വേഷങ്ങളും നായികാ പ്രാധാന്യമുള്ള വേഷങ്ങളുമെല്ലാം ഒരുപോലെ ഇണങ്ങുന്ന താരമാണ് തെന്നിന്ത്യന്‍ പ്രേഷകര്‍ക്ക് പ്രിയങ്കരിയായ ശ്രിയ ശരണ്‍. ശ്രിയയുടെ കടലിനടിയിലെ ചിത്രങ്ങള്‍ സോഷ്യല്‍മീഡിയയില്‍ വൈറലായിരിക്കുകയാണ്. ചുവന്ന ടു പീസ് വസ്ത്രമണിഞ്ഞ് കടലില്‍ നീന്തുന്ന ചിത്രങ്ങള്‍ താരം തന്നെയാണ് ഇന്‍സ്റ്റഗ്രാമില്‍ പങ്കുവെച്ചത്. കടലിനടിയിലുള്ള വീഡിയോയും താരം ഇന്‍സ്റ്റഗ്രാമില്‍ പോസ്റ്റ് ചെയ്തിട്ടുണ്ട്.
ബിക്കിനിയും ടൂ പീസുമണിഞ്ഞുള്ള ഫോട്ടോ ഷൂട്ടൊന്നും പുതുമയുള്ള കാര്യമല്ലെങ്കിലും കടലിനടിയിലാകുമ്പോള്‍ ഈ ഫോട്ടോ ഷൂട്ട് ഏറെ വ്യത്യസ്തമാണ്. വളരെ കരുത്തുറ്റതും ശാന്തവുമായിരുന്നു ശ്രിയയുടെ ചിത്രങ്ങള്‍. ഫോട്ടോഗ്രഫറായ അനൂപിന് നന്ദി പറഞ്ഞ് കൊണ്ട് ശ്രിയ ഇന്‍സ്റ്റഗ്രാമില്‍ പോസ്റ്റ് ചെയ്ത ഫോട്ടോയ്ക്ക് താഴെ എഴുതി- 'ഞാനിത് ചെയ്‌തെന്ന് എനിക്ക് തന്നെ വിശ്വസിക്കാന്‍ കഴിയുന്നില്ല'
കടലും സാഹിസികതയും ഇഷ്ടപ്പെടുന്നവര്‍ക്കായി താന്‍ ഈ ചിത്രങ്ങള്‍ സമര്‍പ്പിക്കുന്നുവെന്നും താരം കുറിച്ചിട്ടുണ്ട്. ഏതായാലും ശ്രിയയുടെ ആരാധകരുടെയെല്ലാം കണ്ണ് തള്ളിയിരിക്കുകയാണ് ഈ ചത്രങ്ങള്‍ കണ്ടിട്ട്. സിനിമയിലെ തിരക്കുകള്‍ക്കിടയിലും സാഹസിക പ്രകടനങ്ങള്‍ക്കായി സമയം കണ്ടെത്താനാകും ശ്രിയയ്‌ക്കെന്ന് ഈ ഫോട്ടോഷൂട്ടിലൂടെ വ്യക്തമാണ്. ഏതായാലും താരത്തിന്റെ ചിത്രങ്ങള്‍ കാണാം...
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
