ബോളിവുഡ് സിനിമയിലെ ഒരുകാലത്തെ വിജയ ജോഡികളായിരുന്നു മാധുരി ദീക്ഷിതും സഞ്ജയ് ദത്തും. എന്നാല് ജീവിതത്തില് ഇരുവരുടേയും ബന്ധം അത്ര സുഖകരമായിരുന്നില്ല. ഇരുവരുടേയും പ്രണയും 90 കളില് വലിയ വിവാദമായിരുന്നു. നീണ്ട വര്ഷങ്ങള്ക്ക് ശേഷം അടുത്തിടെ ഒരു പുസ്തകത്തിന്റെ പേരിലാണ് വീണ്ടും ഇരുവരുടേയും ബന്ധം വാര്ത്തകളില് നിറഞ്ഞത്. എന്നാല് ഇത് സഞ്ജയ് ദത്തിന് ഇഷ്ടപ്പെട്ടിട്ടില്ലെന്നാണ് പുറത്തുവരുന്ന സംഭവങ്ങള് തെളിയിക്കുന്നത്.
കഴിഞ്ഞ ദിവസം മാധ്യമപ്രവര്ത്തകര് മാധുരിയെക്കുറിച്ച് ചോദിച്ചതിന് സഞ്ജയ് ദത്ത് ദേഷ്യപ്പെട്ട് ഇറങ്ങിപ്പോയി. ബോളിവുഡ് താരങ്ങളും ഇന്കം ഡാക്സ് ഉദ്യോഗസ്ഥരും തമ്മിലുള്ള ക്രിക്കറ്റ് മാച്ച് കാണാന് എത്തിയപ്പോഴായിരുന്നു സംഭവം. ക്രിക്കറ്റ് മാച്ചിനെക്കുറിച്ചുള്ള ചോദ്യങ്ങള്ക്കിടയില് മാധുരിയുമായി വീണ്ടും ഒരു സിനിമയില് ഒന്നിക്കുമോ എന്ന് ഒരു മാധ്യമ പ്രവര്ത്തക ചോദിച്ചു. അപ്പോള് തന്നെ ദേഷ്യപ്പെട്ട് താരം ഇറങ്ങിപ്പോവുകയായിരുന്നു.
പത്രപ്രവര്ത്തകന് യാസെര് ഉസ്മാന് എഴുതിയ 'സഞ്ജയ് ദത്ത്: ദ ക്രേസി അണ്ടോള്ഡ് സ്റ്റോറി ഓഫ് ബോളിവുഡ്സ് ബാഡ് ബോയ്' എന്ന പുസ്തകം വിവാദമായതോടെയാണ് ഇരുവരുടേയും ബന്ധം വീണ്ടും വാര്ത്തയില് നിറഞ്ഞത്. അതിനിടയില് സഞ്ജയും മാധുരിയും 21 വര്ഷങ്ങള്ക്ക് ശേഷം ഒരു സിനിമയില് ഒന്നിക്കുന്നുവെന്നും വാര്ത്തകര് പ്രചരിച്ചിരുന്നു. മുംബൈ ആക്രമണത്തില് സഞ്ജയ് ശിക്ഷിക്കപ്പെട്ടതോടെയാണ് ഇരുവരുടേയും ബന്ധം തകരുന്നത്. 1997 ന് ശേഷം ഇരുവരും ഒരുമിച്ച് അഭിനയിച്ചിട്ടില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ