ഞാനിതുവരെ പാടിയതില്‍ ഏറ്റവും പ്രിയപ്പെട്ട ഗാനമിത്: മോഹന്‍ലാലിലെ ഗാനം പാടി നിത്യാമേനോന്‍

'മോഹന്‍ലാല്‍' എന്ന ചിത്രത്തിലെ വാ വാവോ എന്ന ഗാനം പാടി താരം വളരെയധികം പ്രേഷകശ്രദ്ധ നേടിയിരിക്കുകയാണ്.
ഞാനിതുവരെ പാടിയതില്‍ ഏറ്റവും പ്രിയപ്പെട്ട ഗാനമിത്: മോഹന്‍ലാലിലെ ഗാനം പാടി നിത്യാമേനോന്‍

റെക്കാലമായി സിനിമാ ലോകത്തു നിന്ന് വിട്ട് നില്‍ക്കുന്ന താരമായിരുന്നു നിത്യാ മേനോന്‍. കുറച്ച് നാളുകള്‍ക്ക് മുന്‍പ് ഇന്‍സ്റ്റഗ്രാമില്‍ പോസ്റ്റ് ചെയ്ത ഒരു ചിത്രത്തിലൂടെയാണ് താരം പിന്നെ ആരാധകര്‍ക്ക് മുന്‍പില്‍ പ്രത്യക്ഷപ്പെട്ടത്. ഇപ്പോള്‍ 'മോഹന്‍ലാല്‍' എന്ന ചിത്രത്തിലെ വാ വാവോ എന്ന ഗാനം പാടി താരം വളരെയധികം പ്രേഷകശ്രദ്ധ നേടിയിരിക്കുകയാണ്.

ഒരിടവേളയ്ക്ക് ശേഷം നിത്യ മേനോന്‍ മലയാളത്തില്‍ പാടിയ ഗാനം കൂടിയാണിതെന്ന പ്രത്യേകതയും ഈ ചിത്രത്തിനുണ്ട്. ഇപ്പോള്‍ പാട്ടിനെപ്പറ്റി നിത്യ മേനോന്‍ തന്നെ തന്റെ അനുഭവങ്ങള്‍ പങ്കുവച്ച വീഡിയോ ആണ് ഇപ്പോള്‍ സോഷ്യല്‍ മീഡിയയില്‍ വൈറലായിരിക്കുന്നത്. വളരെ ചെറിയ പാട്ടാണ്. തന്നെ ഏറ്റവും കൂടുല്‍ സ്വാധീനിച്ച ഗാനം കൂടിയാണിത്. മാത്രമല്ല തന്റെ ശബ്ദത്തിന് അനുയോജ്യമായ രീതിയിലുള്ള പാട്ടാണിതെന്നുമാണ് നിത്യ പറഞ്ഞത്.

'അമ്മ കുഞ്ഞിന് വേണ്ടി പാടുന്ന ഒരുപാട് വികാരങ്ങള്‍ ചേര്‍ത്ത് പാടേണ്ട ഈ ഗാനം എനിക്ക് തന്നെ തന്നതില്‍ ഒരുപാട് സന്തോഷമുണ്ട്. എന്റെ ശബ്ദം പാട്ടിനായി തെരഞ്ഞെടുത്തതില്‍ സംഗീത സംവിധായകന്‍ ടോണി ജോസഫിനോട് ഒരുപാട് നന്ദിയുണ്ട്'- നിത്യ പറഞ്ഞു. താനിതുവരെ പാടിയ പാട്ടുകളില്‍ ഏറ്റവും പ്രിയപ്പെട്ടതാണ് മോഹന്‍ലാലിലെ ഈ ഗാനമെന്നും നിത്യ വ്യക്തമാക്കി.

പോപ്പിന്‍സ്, റോക്ക്സ്റ്റാര്‍ എന്നീ ചിത്രങ്ങളിലെ ഗാനത്തിന് ശേഷം  എകദേശം മൂന്ന് വര്‍ഷത്തെ ഇടവേളയ്ക്ക് ശേഷമാണ് നിത്യ മലയാളത്തില്‍ പാടുന്നത്. മലയാളം, കന്നഡ, തമിഴ് തുടങ്ങിയ ഭാഷകളില്‍ നിത്യ നേരത്തേ പാടിയിട്ടുണ്ട്. 
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com