കമ്മാര സംഭവത്തില്‍ ദിലീപ് എത്തുന്നത് നാല് വ്യത്യസ്ത ഗെറ്റപ്പുകളില്‍; കമ്മാരനാകാന്‍ താരം ചിലവഴിക്കുന്നത് ദിവസവും അഞ്ച് മണിക്കൂര്‍  

കമ്മാര സംഭവത്തിന്റെ സെറ്റില്‍ നിന്ന് പുറത്തുവരുന്ന ഏറ്റവും പുതിയ വാര്‍ത്ത ചിത്രത്തിലെ താരത്തിന്റെ ഗെറ്റപ്പിനെകുറിച്ചുതന്നെയാണ്
കമ്മാര സംഭവത്തില്‍ ദിലീപ് എത്തുന്നത് നാല് വ്യത്യസ്ത ഗെറ്റപ്പുകളില്‍; കമ്മാരനാകാന്‍ താരം ചിലവഴിക്കുന്നത് ദിവസവും അഞ്ച് മണിക്കൂര്‍  

വിവാദങ്ങള്‍ക്കിടയിലും ആരാധകര്‍ പ്രതീക്ഷയോടെ കാത്തിരിക്കുന്ന ചിത്രമാണ് ദിലീപ് നായകനാകുന്ന കമ്മാര സംഭവം. പോസ്റ്ററുകള്‍ പുറത്തുവിട്ടപ്പോള്‍ തന്നെ മികച്ച പ്രതികരണമാണ് ചിത്രത്തിന് ലഭിച്ചുകൊണ്ടിരിക്കുന്നത്. കുഞ്ഞിക്കൂനന്‍, ചാന്തുപൊട്ട്, മായാമോഹിനി തുടങ്ങിയ ചിത്രങ്ങളില്‍ വ്യത്യസ്ത ഗെറ്റപ്പുമായി എത്തിയ ദിലീപിനെ ഇരുകൈയ്യും നീട്ടി സ്വീകരിച്ച ആരാധകര്‍ക്കിടയിലേക്ക്  കമ്മാര സംഭവത്തിന്റെ സെറ്റില്‍ നിന്ന് പുറത്തുവരുന്ന ഏറ്റവും പുതിയ വാര്‍ത്ത ചിത്രത്തിലെ താരത്തിന്റെ ഗെറ്റപ്പിനെകുറിച്ചുതന്നെയാണ്. 

ചിത്രത്തില്‍ ദിലീപ് നാല് വ്യത്യസ്ത ലുക്കുകളിലാണ് എത്തുന്നതെന്നാണ് കമ്മാര സംഭവത്തിന്റെ സെറ്റില്‍ നിന്ന് പുറത്തുവരുന്ന ഏറ്റവും പുതിയ വാര്‍ത്ത. കഥാപാത്രമായി മാറാന്‍ ദിവസവും ദിലീപ് ചിലവഴിക്കുന്നത് അഞ്ച് മണിക്കൂറാണെന്ന് ചിത്രത്തിന്റെ സംവിധായകന്‍ രതീഷ് അമ്പാട്ട് പറയുന്നു. 

ചിത്രത്തില്‍ കമ്മാരന്‍ എന്ന കഥാപാത്രത്തെയാണ് ദിലീപ അവതരിപ്പിക്കുന്നത്. നമിതാ പ്രമോദാണ് ചിത്രത്തിലെ നായിക. തമിഴ് നടന്‍ സിദ്ധാര്‍ത്ഥും ദിലീപിനൊപ്പം ചിത്രത്തില്‍ ഒരു പ്രധാനവേഷം കൈകാര്യം ചെയ്യുന്നുണ്ട്. മുരളി ഗോപി തിരക്കഥ നിര്‍വഹിച്ചിരിക്കുന്ന ചിത്രം ഗോകുലം ഫിലിംസാണ് നിര്‍മിക്കുന്നത്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com