ഹൈദരാബാദ് : വ്യത്യസ്തമായ വേഷങ്ങള്‍ കൊണ്ട് പ്രേക്ഷകപ്രീതി നേടിയ താരമാണ് നിത്യാ മേനോന്‍. തികച്ചും വ്യത്യസ്തമായ വേഷവുമായാണ് ഇക്കുറി നിത്യ പ്രേക്ഷകരെ ഞെട്ടിക്കാനൊരുങ്ങുന്നത്. സ്വവര്‍ഗാനുരാഗിയായാണ് നിത്യ അടുത്ത ചിത്രത്തില്‍ വേഷമിടുന്നത്. അടുത്തുതന്നെ ചിത്രീകരണം തുടങ്ങുന്ന തെലുങ്കു ചിത്രത്തിലാണ് നിത്യ ലെസ്ബിയന്‍ ആകുന്നത്.
ചിത്രത്തില്‍ നിത്യയുടെ ലിപ് ലോക്ക് ചുംബന രംഗങ്ങളുമുണ്ടാകും. രണ്ട് നടിമാര്‍ തമ്മിലുള്ള ലിപ് ലോക്ക് ചുംബനരംഗമുള്ള ഇന്ത്യയിലെ ആദ്യ ചിത്രമെന്ന പ്രത്യേകതയും ഈ ചിത്രത്തിനുണ്ടാകും, നടി നിത്യ തന്നെയാണ് ഇക്കാര്യം അറിയിച്ചത്. തെലുങ്കിലെ ഒരു പ്രമുഖ നടിയാകും ചിത്രത്തില്‍ നിത്യയ്‌ക്കൊപ്പം അഭിനയിക്കുക എന്നാണ് സൂചന.
ഇന്ത്യയില്‍ സ്വവര്‍ഗ്ഗാനുരാഗവും സ്വവര്‍ഗ രതിയും സുപ്രീംകോടതി നിരോധിച്ചിട്ടുള്ളതാണ്. അതിനാല്‍ ചിത്രത്തിന് സെന്‍സര്‍ബോര്‍ഡ് പ്രദര്‍ശനാനുമതി നിഷേധിക്കുമെന്ന ആശങ്കയും ഉയര്‍ന്നിട്ടുണ്ട്. കൂടാതെ സദാചാര വാദികളും ചിത്രത്തിനെതിരെ രംഗത്തുവന്നേക്കാമെന്ന് അണിയറപ്രവര്‍ത്തകര്‍ക്ക് ആശങ്കയുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
