മാധവിക്കുട്ടിയുടെ ജീവിതം ആസ്പദമാക്കി ഒരുക്കുന്ന ആമി എന്ന ചിത്രത്തില് നിന്ന് വിദ്യ ബാലന് പിന്മാറിയത് ഏറെ വാര്ത്താ പ്രാധാന്യം നേടിയിരുന്നു. വിദ്യ പിന്മാറിയത് തനിക്ക് വലിയ നഷ്ടമായി എന്നാണ് അന്ന് കമല് പ്രതികരിച്ചിരുന്നത്. പിന്നീട് വിദ്യാ ബാലന് പകരം മഞ്ജു വാര്യര് ആണ് റോള് ഏറ്റെടുത്ത് ചെയ്തത്.
എന്നാലിപ്പോള് ആമിയില് വിദ്യാബാലന് വേണ്ടി കരുതിവെച്ചിരുന്ന മാധവിക്കുട്ടിയെയല്ല മഞ്ജു ചെയ്തതെന്നും വിദ്യ ചെയ്തിരുന്നെങ്കില് ചിത്രത്തില് ലൈംഗികത കടന്നുവരാന് സാധ്യതുണ്ടായിരുന്നെന്നും കമല് പറയുന്നു.
'വിദ്യാബാലന് വേണ്ടി കണ്ടിരുന്ന മാധവിക്കുട്ടിയല്ല മഞ്ജു ചെയ്തത്. വിദ്യ ചെയ്തിരുന്നെങ്കില് അതില് കുറച്ച് ലൈംഗികതയൊക്കെ കടന്ന് വരുമായിരുന്നു. ഞാന് പോലും വേണ്ടത്ര ശ്രദ്ധിക്കാത്ത ഒരു പാര്ട്ട് ആയിരുന്നു അത്. പക്ഷെ മഞ്ജുവിലേക്ക് എത്തുമ്പോള് സാധാരണ തൃശൂര്ക്കാരിയുടെ നാട്ടുഭാഷയില് പെരുമാറുന്ന മാധവിക്കുട്ടിയെ അവതരിപ്പിക്കാനായി. മാധവിക്കുട്ടി അന്താരാഷ്ട്ര തലത്തില് പോലും ശ്രദ്ധിക്കപ്പെട്ട സാഹിത്യക്കാരിയായിരുന്നെങ്കിലും അടിസ്ഥാനപരമായി അവര് ഒരു സാധാരണ മലയാളി സ്ത്രീ ആയിരുന്നു. ആ പരിചിത കഥാകാരിയാവാന് വിദ്യാ ബാലനെക്കാള് കഴിയുന്നത് മഞ്ജുവിന് തന്നെയാണ്' അഴിമുഖത്തിന് നല്കിയ അഭിമുഖത്തില് കമല് പറയുന്നു.
മെയ്ക്ക് ഓവര് ശരിയാകുമോ എന്ന് ഒരു ചെറിയ ആശയകുഴപ്പമുണ്ടായി. പക്ഷെ മഞ്ജു ശരിക്കും വിസ്മയിപ്പിച്ചു. വളരെ പെട്ടെന്ന്, രണ്ട് ദിവസത്തിനുള്ളില് മഞ്ജു, മാധവിക്കുട്ടിയായി മാറി. കഥയില് വലിയ തിരുത്തലുകളൊന്നും വേണ്ടി വന്നില്ല. ആ തീഷ്ണതയും സങ്കീര്ണതയുമൊക്കെ അനായാസം ചെയ്യുന്ന മഞ്ജു എന്നെ അത്ഭുതപ്പെടുത്തി. ഇപ്പോള് തിരിഞ്ഞ് ചിന്തിക്കുമ്പോള് വിദ്യ പിന്മാറിയത് ദൈവാനുഗ്രഹമായി കാണുന്നു- കമല് പറഞ്ഞു.
ഈ സിനിമ കാലഘട്ടത്തിന്റെ അനിവാര്യതയാണ്. ഇപ്പോഴല്ലെങ്കില് പിന്നീട് ആ സിനിമ ചെയ്യാനോ ചെയ്തിട്ടോ കാര്യമില്ല. ഇനി റിലീസാകുന്ന സമയത്ത് വിവാദങ്ങള്ക്ക് സാധ്യതയുണ്ട്. വര്ഗീയ ഫാസിസ്റ്റികള്ക്ക് മാധവിക്കുട്ടിയുടെ അവസാന കാലഘട്ടങ്ങള്, പ്രത്യേകിച്ച് കമല സുരയ്യയിലേക്കുള്ള മാറ്റം അംഗീകരിക്കാന് പറ്റില്ല. അതാണ് ഈ വിവാദങ്ങളുടെ ഒക്കെ പ്രധാന കാരണം എന്ന് തോന്നുന്നു. പക്ഷെ മാധവിക്കുട്ടിയുടെ ജീവിതം പറയുമ്പോള് ഇതൊന്നും മാറ്റി നിര്ത്താനാവില്ലെന്നും കമല് പറയുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ