എഴുത്തുകാരി കമല സുരയ്യയുടെ ജീവിതം പ്രമേയമാക്കിയ കമല്‍ ചിത്രം ആമിയുടെ ട്രെയിലര്‍ പുറത്തിറങ്ങി. മഞ്ജു വാര്യര്‍ നായികയായെത്തുന്ന ചിത്രം ഇതിനോടകം തന്നെ വാര്‍ത്താ പ്രധാന്യം നേടിയതാണ്. അനൂപ് മേനോനും ടോവിനോ തോമസും മുരളി ഗോപിയും മഞ്ജു വാര്യര്‍ക്കൊപ്പം പ്രധാന കഥാപാത്രങ്ങളെ അവതരിപ്പിക്കുന്നുണ്ട്.
റീല്‍ ആന്‍ഡ് റിയല്‍ സിനിമയുടെ ബാനറില്‍ റാഫേല്‍ തോമസ് പൊഴോലിപറമ്പിലും റോബന്‍ റോച്ചയുമാണ് ചിത്രം നിര്‍മിക്കുന്നത്.
ചിത്രത്തില്‍ ആദ്യം നായികയായി തീരുമാനിച്ചിരുന്ന വിദ്യ ബാലന്‍ സിനിമയില്‍ നിന്ന് പിന്‍മാറിയതും പിന്നീട് കമല്‍ വിദ്യക്കെതിരെ രംഗത്ത് വന്നതും വാര്‍ത്താ പ്രധാന്യം നേടിയിരുന്നു. ചിത്രത്തിന്റെതായി പുറത്തിറങ്ങിയ പോസ്റ്ററുകള്‍ ഇതിനോടകം തന്നെ ശ്രദ്ധയാകര്‍ഷിച്ചിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
