പൃഥ്വിരാജും പാര്‍വതിയും ഒന്നിച്ചഭിനയിച്ച റോഷിനി ദിനകര്‍ സംവിധാനം ചെയ്ത മൈ സ്റ്റോറി തീയറ്റുകളിലെത്തിയപ്പോള്‍ ആശംസകള്‍ അങ്ങ് ബോളിവുഡില്‍ നിന്നുവരെ. അടുത്തിടെ ഏറെ ചര്‍ച്ചകളില്‍ ഇടം നേടിയ ബോളിവുഡ് താരം സ്വര ഭാസ്‌കറാണ് ഇരുവര്‍ക്കും പുതിയ ചിത്രത്തിനുള്ള ആശംസ അറിയിച്ചിരിക്കുന്നത്. തന്റെ ഇന്‍സ്റ്റഗ്രാം പോസ്റ്റിലൂടെയാണ് സ്വരയുടെ ആശംസകള്‍.
റിലീസ് ദിനത്തില്‍ തന്നെ മികച്ച പ്രതികരണം നേടി മുന്നേറുന്നതിനിടയിലാണ് ചിത്രത്തിനും താരങ്ങള്‍ക്കും സ്വരയുടെ ആശംസകള്‍ എത്തിയത്. വിവാദങ്ങളില്‍ അകപ്പെട്ട് ആദ്യ ഗാനം പുറത്തിറങ്ങിയപ്പോള്‍ നിരവധി വിമര്‍ശനങ്ങള്‍ ഏറ്റുവാങ്ങേണ്ടിവന്നെങ്കിലും ഇതെല്ലം തീയറ്ററില്‍ മാറ്റിയെഴുതുകയാണ് മൈ സ്റ്റോറി. പ്രണയവും പ്രണയനഷ്ടവും ചതിയും കുറ്റബോധവും പ്രതികാരവുമൊക്കെ പ്രേക്ഷകരെ അനുഭവിപ്പിക്കുന്ന സിനിമ എന്നാണ് മൈ സ്റ്റോറികണ്ടിറങ്ങുന്നവര്‍ ചിത്രത്തിന് നല്‍കുന്ന വിശേഷണം.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
