സമൂഹമാധ്യമത്തില്‍ പരിഹാസക്കമന്റുമായി രംഗത്തെത്തിയ 'ആരാധകനെ' കണ്ടം വഴിയോടിച്ച് നടി അമലാ പോള്‍. വള്ളത്തിലിരുന്ന് തുഴഞ്ഞ് പോകുന്ന ചിത്രമാണ് താരം ഇന്‍സ്റ്റഗ്രാമില്‍ പങ്കുവച്ചത്. ആയിരത്തിലധികം ലൈക്കുകള്‍ വന്നതിന് പിന്നാലെ പിന്തുണയുമായി കമന്റ് ബോക്‌സിലും ആരാധകരെത്തി.
ഇതിനിടയിലാണ് ട്രൗസര്‍ ധരിച്ച് തോണി തുഴയുന്ന അമലയോട് 'പാന്റ്‌സ് എവിടെ' എന്ന ചോദ്യവുമായി ഒരാളെത്തിയത്. ഗുണ സിംഗര്‍ എന്ന ഐഡിയില്‍ നിന്ന് വന്ന ചോദ്യത്തിന് എപ്പിക് റിപ്ലെയാണ് താരം നല്‍കിയത്.
'എന്റെ പാന്റ്‌സ് ജോഗിങിന് പോയിരിക്കുകയാണ്. ഒന്ന് കണ്ടു പിടിച്ചുതരാമോ , പ്ലീസ് എന്നായിരുന്നു അമലയുടെ ഉരുളയ്ക്ക് ഉപ്പേരി പോലുള്ള മറുപടി. ഇതിന് പിന്നാലെ താന്‍ അമലയുടെ ആരാധകനാണ് എന്നും വെറുതേ ചോദിച്ചതാണെന്നും പറഞ്ഞ് ' ആരാധകന്‍' തടി തപ്പി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
