തീയറ്ററുകളില്‍ വലിയ വിജയമായ തമിഴ് ചിത്രം 96 അടക്കം നിരവധി സിനിമകള്‍ നിര്‍മ്മിച്ച മദ്രാസ് എന്റര്‍പ്രൈസസിനെതിരെ തമിഴ് സിനിമ സംഘടനയായ നടികര്‍ സംഘം രംഗത്ത്. അഭിനേതാക്കളോടും നിര്‍മാതാക്കളോടും മദ്രാസ് എന്റര്‍പ്രൈസുമായി സഹകരിക്കരുതെന്നാണ് സംഘടനയുടെ നിര്‍ദ്ദേശം. അഭിനേതാക്കള്‍ക്ക് ആവര്‍ത്തിച്ച് പ്രതിഫലം നല്‍കുന്നതില്‍ വീഴ്ചവരുത്തുന്നതാണ് കമ്പനിക്കെതിരെ നടപടി സ്വീകരിക്കാന്‍ കാരണമായത്.
നടന്‍മാരായ വിശാല്‍, വിക്രം പ്രഭു, വിജയ് സേതുപതി എന്നിവര്‍ക്കടക്കം സനിമകള്‍ ചെയ്തതിന്റെ പ്രതിഫല തുക ലഭിക്കാനുണ്ടെന്നു മദ്രാസ് എന്റര്‍പ്രൈസസിനെതിരെ ഇറക്കിയ പത്രക്കുറിപ്പില്‍ നടികര്‍ സംഘം ആരോപിച്ചു. 96ന്റെ റിലീസിനോടടുത്തും നിര്‍മ്മാണകമ്പനിയുമായി ബന്ധപ്പെട്ട വിവാദം വാര്‍ത്തയായിരുന്നു. കത്തി സണ്ടെയില്‍ അഭിനയിച്ചതിന്റെ പ്രതിഫലതുകയാണ് വിശാലിന് ലഭിക്കാത്തതെന്നും വിര ശിവാചിയിലെ അഭിനയത്തുകയാണ് വിക്രം പ്രഭുവിന് നല്‍കാത്തതെന്നുമാണ് റിപ്പോര്‍ട്ടുകള്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
