മുംബൈ: വിവാഹം കഴിഞ്ഞാല്‍ കരിയര്‍ അവസാനിച്ചെന്ന് ബോളിവുഡ് നടി കരീന കപൂര്‍. വിവാഹിതയായാല്‍ നിര്‍മ്മാതാക്കള്‍ നടിമാരെ തേടിവരില്ലെന്നും കരീന പറഞ്ഞു. എന്നാല്‍ വിവാഹശേഷം തനിക്ക് നിരവധി അവസരങ്ങള്‍ ലഭിച്ചെങ്കിലും താന്‍ അത് വേണ്ടെന്ന് വെക്കുകയായിരുന്നു. കരീന കപൂര്‍ വിവാഹിതായ ശേഷം ചുരുക്കം ചില ചിത്രങ്ങളില്‍ മാത്രമാണ് അഭിനയിച്ചത്. കുഞ്ഞ് പിറന്നതിന് പിന്നാലെ അവനോടൊപ്പം ചിലവഴിക്കാനാണ് താരം പ്രാധാന്യം നല്‍കിയത്
സിനിമയില്‍ ഒരു അഭിനേതാവിന്റെ നിറമോ വലിപ്പമോ അല്ല കാര്യമെന്നും കഠിനാധ്വാനം ചെയ്തുവെങ്കില്‍ ആര്‍ക്കും വിജയം കൈവരിക്കാനാകും.തുറന്നു പറച്ചിലുകളിലൂടെ അവസരങ്ങളും നിഷേധിക്കപ്പെടുന്ന പ്രവണത ഏതൊരു മേഖലയിലും ഉള്ളതാണ്. സിനിമയിലാകുമ്പോള്‍ അതിന് കുറച്ചുകൂടി പ്രചാരം ലഭിക്കുന്നു. അതിനാല്‍ കൂടുതല്‍ വാര്‍ത്തകള്‍ അവിടെ നിന്നും വരുന്നു. എന്നാലും അവസരങ്ങള്‍ തേടിപ്പിടിച്ച് രാധികാ ആപ്‌തേ, കുബ്‌റ സെയ്ത് എന്നിവരെപ്പോലെ ചുറു ചുറുക്കുള്ള പെണ്‍കുട്ടികള്‍ മുമ്പോട്ടു വരുന്നുണ്ട്. സേക്രഡ് ഗെയിംസില്‍ ഇരുവരും ചെയ്ത ശക്തമായ കഥാപാത്രങ്ങളെ പ്രശംസിച്ചാണ് കരീന ഇതു പറഞ്ഞത്. നിറത്തിലോ ആകൃതിയിലോ ഒന്നുമല്ല കാര്യം. ജോലിയില്‍ ഒരു നടി അര്‍പ്പിക്കുന്ന കഠിനാധ്വാനത്തിലാണ്. കഴിവുള്ളവര്‍ തീര്‍ച്ചയായും വിജയിക്കുകയും ചെയ്യും.
തങ്ങള്‍ നേരിട്ട ലൈംഗികാതിക്രമങ്ങള്‍ മീ ടു ക്യാമ്പയനിലൂടെ തുറന്നുപറയുന്ന താരങ്ങളെ കരീന പ്രശംസിക്കുകയും ചെയ്തു. അത്തരം തുറന്നുപറച്ചിലുകള്‍ തൊഴിലിടങ്ങളില്‍ സ്ത്രീകളുടെ സുരക്ഷ ഉറപ്പാക്കും. സൂപ്പര്‍സ്റ്റാറോ ജൂനിയര്‍ ആര്‍ട്ടിസ്‌റ്റോ ആരുമാകട്ടെ, സ്ത്രീ സുരക്ഷ എവിടെയും ഉറപ്പു വരുത്തണമെന്നും മാറ്റങ്ങള്‍ക്കായി തുറന്നു പറച്ചിലുകള്‍ തുടരുക തന്നെ വേണമെന്നും കരീന പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
