സിനിമ സംവിധായകന്റേതാണെന്നാണ് വയ്പ്പ്. എന്നാല് അഭിനേതാക്കളും നിര്മാതാക്കളുമെല്ലാം സംവിധായകന്റെ അധികാര പരിധിയില് കൈകടത്തും. ഇതിനെത്തുടര്ന്ന് പല പ്രശ്നങ്ങളും സിനിമ സെറ്റുകളില് നടക്കാറുണ്ട്. ഇങ്ങനെ ഒരു ഇടപെടല് മുന് കൂട്ടി തടയാന് ബോളിവുഡ് താരം കങ്കണയുമായി ഇതു സംബന്ധിച്ച് കരാറിലെത്തിയിരിക്കുകയാണ് സംവിധായിക അശ്വിനി അയ്യര് തിവാരി. അഭിനയത്തിനിടെ സംവിധാനത്തില് ഇടപെടരുത് എന്നാണ് കങ്കണയോട് അശ്വതി ആവശ്യപ്പെട്ടിരിക്കുന്നത് എന്നാണ് മാധ്യമങ്ങളുടെ റിപ്പോര്ട്ട്.
കങ്കണയെ നായികയാക്കി പങ്ക എന്ന ചിത്രം സംവിധാനം ചെയ്യുകയാണ് അശ്വനി അയ്യര് തിവാരി. സിനിമ സുഗമമായി ചിത്രീകരിക്കുന്നതിനാണ് താന് ഇങ്ങനെ ചെയ്യുന്നത് എന്നാണ് അശ്വിനിയുടെ വിശദീകരണം. അഭിനയിക്കുന്ന ചിത്രങ്ങളില് കങ്കണ അനാവശ്യമായി ഇടപെടുന്നു എന്നുള്ള റിപ്പോര്ട്ടുകള് നേരത്തെ പുറത്തുവന്നിരുന്നു. ഇതിന് പിന്നാലെയാണ് അശ്വിനിയുടെ വിചിത്രമായ കരാര്.
വിശാല് ഭരദ്വാജ് ചിത്രമായ രംഗൂണ്, ഹന്സല് മേത്തയുടെ സിമ്രാന് എന്നീ സിനിമകളുടെ ചിത്രീകരണത്തില് കങ്കണ ആവശ്യമില്ലാതെ ഇടപെട്ടുവെന്ന് പരാതികള് ഉയര്ന്നിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ