ഏതൊരു അഭിനേതാവും കൊതിക്കുന്ന മരണം; ഷൂട്ടിങ്ങിനിടെ കുഴഞ്ഞുവീണു മരിച്ച കുഞ്ഞുമുഹമ്മദിനെ അനുസ്മരിച്ച് മ‍ഞ്ജു വാര്യർ

ഏതൊരു അഭിനേതാവും കൊതിക്കുന്ന മരണം; ഷൂട്ടിങ്ങിനിടെ കുഴഞ്ഞുവീണു മരിച്ച കുഞ്ഞുമുഹമ്മദിനെ അനുസ്മരിച്ച് മ‍ഞ്ജു വാര്യർ
ഏതൊരു അഭിനേതാവും കൊതിക്കുന്ന മരണം; ഷൂട്ടിങ്ങിനിടെ കുഴഞ്ഞുവീണു മരിച്ച കുഞ്ഞുമുഹമ്മദിനെ അനുസ്മരിച്ച് മ‍ഞ്ജു വാര്യർ

ഷൂ​ട്ടിങ്ങിനിടെ കുഴഞ്ഞുവീണു മരിച്ച നടൻ കുഞ്ഞുമുഹമ്മദിനെ അനുസ്മരിച്ച് നടി മഞ്ജു വാര്യർ. ഏതൊരു അഭിനേതാവും കൊതിക്കുന്ന മരണമാണ് കുഞ്ഞുമുഹമ്മദിക്കയുടേതെന്ന് മഞ്ജു ഫെയ്സ്ബുക്ക് കുറിപ്പിൽ പറഞ്ഞു. ചായം തേച്ചു നിൽക്കെ യാത്ര പറയുക. ഗുരു ഗോപിനാഥിനും മടവൂരാശാനും ആലുംമൂടൻ ചേട്ടനും ഗീതാനന്ദൻ മാഷിനും ലഭിച്ച ഭാഗ്യം- മഞ്ജു കുറിപ്പിൽ പറയുന്നു.

മഞ്ജു വാര്യരുടെ കുറിപ്പ് വായിക്കാം:

ഏതൊരു അഭിനേതാവും കൊതിക്കുന്ന മരണമാണ് കുഞ്ഞുമുഹമ്മദിക്കയുടേത്. ചായം തേച്ചു നിൽക്കെ യാത്ര പറയുക. ഗുരു ഗോപിനാഥിനും, മടവൂരാശാനും, ആലുംമൂടൻ ചേട്ടനും, ഗീതാനന്ദൻ മാഷിനും ലഭിച്ച ഭാഗ്യം. 'ഈ പുഴയും കടന്നി' ന്റെ കാലം തൊട്ടേ ഇക്കയെ പരിചയം ഉണ്ട്. ഏറ്റവും ഒടുവിൽ 'ആമി' യിലും ഒപ്പമുണ്ടായിരുന്നു. വേഷം ചെറുതാണെങ്കിലും ഷൂട്ടിങ്ങ് തീരുവോളം കുഞ്ഞുമുഹമ്മദിക്ക സെറ്റിൽ തന്നെ കാണും. തമാശകൾ പറഞ്ഞ് എല്ലാവരെയും സന്തോഷിപ്പിക്കും. ചിലപ്പോഴൊക്കെ വീട്ടിൽ നിന്ന് ഭക്ഷണമുണ്ടാക്കിക്കൊണ്ടുവരും. എന്നും സ്നേഹം മാത്രം വിളമ്പിയിരുന്ന ഒരു മനുഷ്യൻ. പ്രിയപ്പെട്ട ഇക്കയ്ക്ക് വിട....

------
സ​ത്യ​ൻ അ​ന്തി​ക്കാ​ടി​ന്‍റെ "​ഞാ​ൻ പ്ര​കാ​ശ​ൻ’ എ​ന്ന സി​നി​മ​യു​ടെ ഷൂ​ട്ടിം​ഗി​നി​ടെയാണ് കുഞ്ഞുമുഹമ്മദ് കുഴഞ്ഞുവീണത്. കുഴഞ്ഞ് വീണയുടൻ ​ആ​ശു​പ​ത്രി​യി​ൽ പ​സ്റ്റവേശിപ്പിച്ചിരുന്നു. തുടർന്ന് എ​റ​ണാ​കു​ളം ആ​സ്റ്റ​ർ മെ​ഡി​സി​റ്റി ആ​ശു​പ​ത്രി​യി​ൽ ചി​കി​ത്സ​യി​ലി​രി​ക്കെ വൈ​കി​ട്ടു മ​രി​ക്കു​ക​യാ​യി​രു​ന്നു.

നൂ​റോ​ളം ചി​ത്ര​ങ്ങ​ളി​ൽ അ​ഭി​ന​യി​ച്ചി​ട്ടു​ണ്ട് ഇദ്ദേഹം. സ​ത്യ​നും ശാ​ര​ദ​യും നാ​യി​ക​നാ​യ​ക​ൻ​മാ​രാ​യി അ​ഭി​ന​യി​ച്ച ഇ​ണ​പ്രാ​വു​ക​ൾ എ​ന്ന ചി​ത്ര​ത്തി​ന്‍റെ പ്രൊ​ഡ​ക്ഷ​ൻ ബോ​യി ആ​യാ​ണ് കു​ഞ്ഞു​മു​ഹ​മ്മ​ദ് സി​നി​മാ​രം​ഗ​ത്ത് എ​ത്തു​ന്ന​ത്. മ​തി​ല​ക​ത്തെ ഹ​മീ​ദ് കാ​ക്ക​ശേ​രി​യാ​ണ് കു​ഞ്ഞി​ക്ക​യെ സി​നി​മാ​മേ​ഖ​ല​യി​ലേ​ക്കു കൊ​ണ്ടു​വ​ന്ന​ത്. 

ക​മ​ലി​ന്‍റെ പ്രാ​ദേ​ശി​ക വാ​ർ​ത്ത​ക​ളി​ൽ ആദ്യമായി അ​ഭി​ന​യി​ച്ച കു​ഞ്ഞി​ക്ക പി​ന്നീ​ട് ക​മ​ലി​ന്‍റെ എ​ല്ലാ ചി​ത്ര​ങ്ങ​ളി​ലും ചെ​റി​യ വേ​ഷ​ങ്ങ​ൾ ചെ​യ്തു. സം​വി​ധാ​യ​ക​രാ​യ അ​ക്കു അ​ക്ബ​ർ, ആ​ഷി​ക് അ​ബു, ക​മ​ലി​ന്‍റെ മ​ക​നാ​യ ജ​നൂ​സ് മു​ഹ​മ്മ​ദ് എ​ന്നി​വ​രു​ടെ സി​നി​മ​ക​ളി​ലും വേ​ഷ​മി​ട്ടിട്ടുണ്ട്.

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com