ലഖ്നൗ: ജോലി സമയത്ത് പാന്മസാല ചവച്ചതിന് യുപി മുഖ്യമന്ത്രി യോഗി ആദിത്യനാഥിന്റെ ഡ്രൈവര്ക്ക് 500 രൂപ പിഴ. സംസ്ഥാനത്തെ സര്ക്കാര് ഓഫീസുകളില് പുകയില ഉത്പന്നങ്ങള് സര്ക്കാര് നിരോധിച്ചിരുന്നു. ഈ സാഹചര്യത്തിലാണ് മുഖ്യമന്ത്രിയുടെ പേഴ്സണല് ഡ്രൈവര്ക്കും പിഴ വിധിച്ചിരിക്കുന്നത്.
യുപി സെക്രട്ടറിയേറ്റില് ഉദ്യോഗസ്ഥരെ സന്ദര്ശിക്കാനെത്തിയ യോഗി പാന് മസാല, ഗുത്ക ഉള്പ്പെടെയുള്ള ലഹരി വസ്തുക്കള് ജോലി സമയത്ത് കഴിക്കരുതെന്ന് സര്ക്കാര് ഉദ്യോഗസ്ഥരോട് നിര്ദേശിച്ചിരുന്നു.
സെക്രട്ടറിയേറ്റിലെ വിവിധ ഡിപ്പാര്ട്ട്മെന്റുകള് സന്ദര്ശിക്കുന്നതിനിടെ ചുമരില് വെറ്റില മുറുക്കി തുപ്പിയ പാടുകള് ശ്രദ്ധയില്പ്പെട്ടതോടെയായിരുന്നു മുഖ്യമന്ത്രിയുടെ നിര്ദേശം. ഓഫീസും പരിസരവും വൃത്തിയായി സൂക്ഷിക്കാന് ശ്രദ്ധിക്കണമെന്നും യോഗി ഉദ്യോഗസ്ഥര്ക്ക് നിര്ദേശം നല്കിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ