ന്യൂഡല്ഹി: ബാബരി മസ്ജിദ് തകര്ക്കുന്നതിനുള്ള ഗൂഢാലോചനയില് മുതിര്ന്ന ബിജെപി നേതാവ് എല് കെ അഡ്വാനിക്കും മറ്റു പന്ത്രണ്ടു പേര്ക്കും പങ്കുണ്ടെന്ന് സിബിഐ സുപ്രീം കോടതിയെ അറിയിച്ചു. ഇവര്ക്കെതിരായ കുറ്റം നിലനിര്ത്തണമെന്ന് സിബിഐ ആവശ്യപ്പെട്ടു.
സാങ്കേതിക കാരണങ്ങള് പറഞ്ഞാണ് അഡ്വാനിയെയും മറ്റുള്ളവരെയും ഗുഢാലോചന കുറ്റത്തില്നിന്ന് ഒഴിവാക്കിയതെന്ന് സിബിഐ ചൂണ്ടിക്കാട്ടി. ഇവര്ക്കെതിരായ കേസില് ലക്നൗ കോടതിയില് വിചാരണ തുടരണമെന്ന് സിബിഐ ആവശ്യപ്പെട്ടു.
അഡ്വാനിയെക്കൂടാതെ മുതിര്ന്ന ബിജെപി നേതാക്കളായ മുരളി മനോഹര് ജോഷി, ഉമാ ഭാരതി, കല്യാണ് സിങ് എന്നിവരും ഒന്പതു വിഎച്ച്പി നേതാക്കളുമാണ് കേസില് ഉള്പ്പെട്ടിട്ടുള്ളത്. ഇവര്ക്കെതിരായ ഗൂഢാലോചനാ കുറ്റം നിലനില്ക്കുമെന്ന് നേരത്തെ കേസ് പരിഗണിച്ചപ്പോള് സുപ്രീം കോടതി അഭിപ്രായപ്പെട്ടിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ