ന്യൂഡെല്‍ഹി: മുത്തലാഖ് വിഷയം മുസ്ലീം സമൂഹം രാഷ്ട്രീയവത്കരിക്കരുതെന്ന് പ്രധാന മന്ത്രി നരേന്ദ്ര മോദി. മുത്തലാഖിന്റെ കെടുതികളില്‍നിന്ന് സ്ത്രീകളെ മോചിപ്പിക്കാന്‍ മുസ്ലീം സമൂഹം തന്നെ മുന്നോട്ടു വരണമെന്നും മോദി പറഞ്ഞു. മുത്തലാഖിനെപ്പറ്റി മോദി അടുത്തിടെ പല വേദികളിലും സംസാരിച്ചിട്ടുണ്ട്.
പന്ത്രണ്ടാം നൂറ്റാണ്ടിലെ സാമൂഹ്യപരിഷ്‌കര്‍ത്താവും തത്വചിന്തകനുമായ ബസവേശ്വരന്റെ ജന്മശതാബ്ദിയുടെ ഭാഗമായുള്ള പരിപാടിയില്‍ ഡല്‍ഹിയില്‍ സംസാരിക്കുകയായിരുന്നു അദ്ദേഹം.
മുത്തലാഖ് മൂലം നമ്മുടെ മുസ്ലീം പെണ്‍മക്കള്‍ ധാരാളം പ്രശ്‌നങ്ങള്‍ അനുഭവിക്കുന്നുണ്ട്. ഇതിന് പരിഹാരം കാണാന്‍ സര്‍ക്കാര്‍ ശ്രമിക്കുമെന്നും അദ്ദേഹം പറഞ്ഞു. മുത്തലാഖ് ഭരണഘടനാ വിധേയമാണോ അല്ലയോ എന്ന് വിധിക്കേണ്ട കേസ് സുപ്രീം കോടതിയുടെ പരിഗണനയിലാണിപ്പോള്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
