പൂനെ: ഇരട്ടപെണ്കുഞ്ഞുങ്ങളെ പ്രസവിച്ചതിന്റെ പേരില് ഭര്തൃവീട്ടില് പീഡനം നേരിട്ട യുവതി ആത്മഹത്യ ചെയ്തു. യുവതിയുടെ അമ്മ നല്കിയ പരാതിയെത്തുടര്ന്ന് യുവതിയുടെ ഭര്ത്താവിനും ബന്ധുക്കള്ക്കുമെതിരെ പൊലീസ് കേസെടുത്തു. ആത്മഹത്യ പ്രേരണയ്ക്കാണ് കേസെടുത്തത്.
2009ലാണ് ഇവരുടെ വിവാഹം കഴിഞ്ഞത്. ഇതുവരെ ഗര്ഭം ധരിക്കാത്തതിനായിരുന്നു മാനസിക പീഢനമേല്ക്കേണ്ടി വന്നിരുന്നത്. ഇതിനെ തുടര്ന്ന് ബീജസങ്കലനത്തിലൂടെയാണ് യുവതി ഗര്ഭം ധരിച്ചു. ഇതിന്റെ ചികിത്സയ്ക്കായി രണ്ട് ലക്ഷം രൂപയും ഭര്ത്താവിന്റെ ബന്ധുക്കള് ആവശ്യപ്പെട്ടിരുന്നു.
ഇരട്ടപെണ്കുഞ്ഞുങ്ങള്ക്കാണ് യുവതി ജന്മം നല്കിയതെന്നറിഞ്ഞപ്പോള് പീഢനം വര്ധിക്കുകയായിരുന്നു. അത് സഹിക്കാനാവാതെയാണ് യുവതി ആത്മഹത്യ ചെയ്തതെന്നും പരാതിയില് പറയുന്നു. ഗര്ഭാവസ്ഥയില് പോലും യുവതി അതിക്രൂര പീഢനങ്ങള്ക്കിരയായിരുന്നുവെന്ന് യുവതിയുടെ അമ്മ നല്കിയ പരാതിയില് വ്യക്തമാക്കുന്നുണ്ട്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ