ജീന്‍സ് ഇട്ട പെണ്ണിനെ ഒരാണും കല്യാണം കഴിക്കില്ലെന്ന് കേന്ദ്രമന്ത്രി

ജീന്‍സ് ഇട്ട പെണ്ണിനെ ഒരാണും കല്യാണം കഴിക്കില്ലെന്ന് കേന്ദ്രമന്ത്രി - പരമ്പരാഗത വസ്ത്രങ്ങള്‍ക്ക് പകരം ജീന്‍സ് വസ്ത്രം ധരിച്ചാല്‍ പുരോഹിതര്‍ പോലും ചടങ്ങുകള്‍ക്ക് കാര്‍മികത്വം വഹിക്കില്ല 
ജീന്‍സ് ഇട്ട പെണ്ണിനെ ഒരാണും കല്യാണം കഴിക്കില്ലെന്ന് കേന്ദ്രമന്ത്രി

ഗൊരഖ്പൂര്‍:  ജീന്‍സ് ഇട്ട പെണ്ണിനെ ഒരാണും കല്യാണം കഴിക്കില്ലെന്ന് കേന്ദ്ര മാനവ വിഭവശേഷി സഹമന്ത്രി സത്യാപാല്‍ സിംഗ്. ഗൊരഖ്പൂരില്‍ മഹാറാണ പ്രതാപ് ശിക്ഷ പരിഷത്ത് സംഘടിപ്പിച്ച ചടങ്ങില്‍ സംസാരിക്കവെയായിരുന്നു ബിജെപി സഹമന്ത്രിയുടെ വിവാദ പ്രസ്താവന.

മുഖ്യമന്ത്രി യോഗി ആദിത്യനാഥിനെ സാക്ഷിയാക്കിയായിരുന്നു സത്യാപാല്‍ സിംഗിന്റെ പരാമര്‍ശം. പരമ്പരാഗത വസ്ത്രങ്ങള്‍ക്ക് പകരം ജീന്‍സ് വസ്ത്രം ധരിച്ചാല്‍ പുരോഹിതര്‍ പോലും ചടങ്ങുകള്‍ക്ക് കാര്‍മികത്വം വഹിക്കില്ലെന്നും അദ്ദേഹം പറഞ്ഞു. ജീന്‍സ് ഇന്ത്യന്‍ സംസ്‌കാരത്തിന് എതിരായ വസ്ത്രമാണെന്നും മുന്‍ ഐപിഎസ് ഓഫീസര്‍ കൂടിയായ അദ്ദേഹം പറഞ്ഞു.

മഠങ്ങളും ക്ഷേത്രങ്ങളുമാണ് രാജ്യത്ത്  സംസ്‌കാരവും വിദ്യാഭ്യാസവും പടുത്തുയര്‍ത്തിയതെന്നും പുതിയ തലമുറയെ നേര്‍വഴിയ്ക്ക് നയിക്കുന്നതിനായി പഠനരീതിയില്‍ കാലോചിതമായ മാറ്റം വേണമെന്നും അദ്ദേഹം പറഞ്ഞു
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com