ന്യൂഡല്‍ഹി: ജമ്മുകശ്മീരിലെ പ്രാദേശിക ജനങ്ങള്‍ തീവ്രവാദികളെ പിന്തുണയ്ക്കുന്നുണ്ടെന്ന ഇന്ത്യന്‍ ആര്‍മി തലവന്‍ ജനറല്‍ ബിപിന്‍ റാവത്തിന്റെ പരാമര്‍ശത്തെ ന്യായീകരിച്ച് കേന്ദ്രം. കശ്മീരിലെ ജനങ്ങളെ വിശ്വാസത്തിലെടുക്കാത്ത ആര്‍മി തലവന്റെ പ്രതികരണത്തിനെതിരെ കോണ്‍ഗ്രസ് ഉള്‍പ്പെടെയുള്ള രാഷ്ട്രീയ പാര്‍ട്ടികള്‍ വിമര്‍ശനവുമായി രംഗത്തെത്തിയതോടെയാണ് കേന്ദ്രത്തിന്റെ ഇടപെടല്‍.
കശ്മീരിലെ സുരക്ഷയെ മുന്‍നിര്‍ത്തിയുള്ള നിര്‍ദേശം മാത്രമാണ് ആര്‍മി ജനറലിന്റെ ഭാഗത്ത് നിന്നും ഉണ്ടായിട്ടുള്ളതെന്നാണ് ബിജെപിയുടെ നിലപാട്. സൈന്യത്തെ രാഷ്ട്രീയമായി ഉപയോഗിക്കരുത്. കശ്മീരിലെ ജനങ്ങള്‍ സുരക്ഷ സേനയെ സഹായിക്കുന്നില്ലെന്ന ആര്‍മി ജനറലിന്റെ ഭാഗത്ത് നിന്നുമുള്ള പരാമര്‍ശം ഭീഷണിയായി ചിത്രീകരിക്കേണ്ടതില്ലെന്നും ബിജെപി വ്യക്തമാക്കുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
