ചെന്നൈ: നടുക്കുന്ന ഒരു വീഡിയോയാണ് സോഷ്യല്‍ മീഡിയയില്‍ വൈറലായിക്കൊണ്ടിരിക്കുന്നത്. തെരുവില്‍ ഉറങ്ങുകയായിരുന്നയാളുടെ സ്വകാര്യ ഭാഗത്ത് മൂന്ന് യുവാക്കള്‍ ചേര്‍ന്ന് തീയിട്ട് അത് വീഡിയോയില്‍ പകര്‍ത്തി സോഷ്യല്‍മീഡിയയില്‍ പങ്കുവെച്ചു.
വീഡിയോ-ഇന്ത്യാ ടുഡേ
ചെന്നൈ നഗരത്തില്‍ കഴിഞ്ഞ ദിവസം രാത്രി ഒരു മണിക്കാണ് സംഭവം. ചെന്നൈ രംഗരാജപുരത്ത് ഇന്ത്യന്‍ ബാങ്കിനു മുന്നില്‍ കിടന്നുറങ്ങുകയായിരുന്ന 50 കാരന്‍ ജാഫറിനെയാണ് ശ്യാം, പുകഴെന്തി, രാജേഷ് തുടങ്ങിയവര്‍ ചേര്‍ന്ന് ക്രൂരകൃത്യത്തിന് ഇരയാക്കിയത്. ഉറങ്ങുകയായിരുന്ന ജാഫറിന്റെ സ്വകാര്യ ഭാഗത്തേക്ക് ഒരാള്‍ ടോര്‍ച്ചടിക്കുകയും ഒരാള്‍ തീ കൊടുക്കുകയും മറ്റൊരാള്‍ വീഡിയോ പകര്‍ത്തുകയുമാണ് ചെയ്യുന്നതെന്നാണഅ വീഡിയോ വ്യക്തമാക്കുന്നത്. തീപിടിച്ചതോടെ ഞെട്ടി എണീക്കുന്ന ജാഫറിനെയും ദൃശ്യത്തില്‍ കാണാം.
മദ്യപിച്ചതിനാലാണ് ഇയാളെ ക്രൂരതയ്ക്ക് വിധേയമാക്കിയതെന്നാണ് കുറ്റസമ്മതം നടത്തിയ പ്രതികള്‍ പറയുന്നത്. ഇവര്‍ക്കെതിരേ ഇതുവരെ കേസെടുത്തിട്ടില്ലെന്നാണ് റിപ്പോര്‍ട്ടുകള്‍.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
