പുതുച്ചേരി: പതിനേഴുകാരനെ കൊലപ്പെടുത്തിയതിന് ശേഷം യുവാവിന്റെ തല പൊലീസ് സ്റ്റേഷന് മുന്നില് കൊണ്ടുചെന്നിട്ടു. യുവാവിനെ വെട്ടിനുറുക്കിയതിന് ശേഷമായിരുന്നു ഇത്.
പുതുച്ചേരിയിലാണ് സംഭവം. ബൈക്കിലെത്തിയ രണ്ട് അംഗ സംഘം യുവാവിന്റെ തല തമിഴ്നാട്ടിലെ പൊലീസ് സ്റ്റേഷനില് കൊണ്ടുവന്നിടുന്നതിന്റെ സിസിടിവി ദൃശ്യങ്ങള് പൊലീസിന് ലഭിച്ചിട്ടുണ്ട്. പുതുച്ചേരിക്ക് സമീപമുള്ള തടാകക്കരയിലാണ് യുവാവിന്റെ മൃതദേഹം കണ്ടെത്തിയത്. ഇവിടെ നിന്നും മൂന്ന് കിലോമീറ്റര് അകലെയുള്ള തമിഴ്നാട്ടിലെ കൂഡല്ലൂര് പൊലീസ് സ്റ്റേഷനില് ആണ് വെട്ടിയെടുത്ത തല കൊണ്ടുവന്നിട്ടത്.
കൊല്ലപ്പെട്ട പതിനേഴുകാരന് പുതുച്ചേരിയില് അടുത്തിടെ നടന്ന കൊലപാതകത്തില് ഉള്പ്പെട്ടിരുന്നതായാണ് പൊലീസിന്റെ നിഗമനം. എന്നാല് കൊലപാതകം നടന്നിരിക്കുന്നത് പുതുച്ചേരിയിലായതിനാല് പുതുച്ചേരി പൊലീസ് ആയിരിക്കും അന്വേഷണം നടത്തുകയെന്ന് തമിഴ്നാട് പൊലീസ് വ്യക്തമാക്കി.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ