കടപ്പ: ആന്ധ്രാപ്രദേശിലെ കടപ്പയിലെ തിരക്കേറിയ റോഡില്വെച്ച് യുവാവിനെ രണ്ടംഘസംഘം വെട്ടിക്കൊലപ്പെടുത്തി. മാരുതി റെഡ്ഡിയെന്ന 32കാരനാണ് കൊല്ലപ്പെട്ടത്. യുവാവിനെ കൊലപ്പെടുത്തുമ്പോള് ആരും രക്ഷിക്കാന് ശ്രമം നടത്താതെ കാഴ്ചക്കാരായി നില്ക്കുകയും ദൃശ്യങ്ങള് മൊബൈലില് പകര്ത്തുകയുമായിരുന്നു. സംഭവത്തിന്റെ സിസി ടിവി ദൃശ്യങ്ങള് പുറത്തുവന്നു.
കോടതിയിലേക്ക് പോകുകയായിരുന്ന റെഡ്ഡിയെ ഓട്ടോറിക്ഷയില് നിന്നും വലിച്ചിറക്കിയശേഷം വെട്ടിക്കൊലപ്പെടുത്തുകയായിരുന്നു. രക്ഷപ്പെടാന് ശ്രമിച്ചെങ്കിലും ആക്രമികള് വടിവാള് ഉപയോഗിച്ച് വെട്ടിവീഴ്ത്തുകയായിരുന്നു. ഒരാള് മാത്രമാണ് കൊലപാതകത്തിനെതിരെ പ്രതികരിച്ചത്.
റെഡ്ഡിയുടെ സഹോദരി പ്രതികളുടെ സഹോദരനുമായി പ്രണയത്തിലായിരുന്നു. അതിനെ തുടര്ന്നുണ്ടായ പ്രശ്നങ്ങളാണ് കൊലയിലേക്ക് നയിച്ചതെന്നാണ് പൊലീസ് പറയുന്നത്. സംഭവത്തിന് ശേഷം പ്രതികള് പൊലീസ് സ്റ്റേഷനിലെത്തി കീഴടങ്ങിയതായും പൊലീസ് പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ