ഹംമ്പി: ഹംമ്പി ഉത്സവത്തിനിടെ ക്ഷേത്രപരിസരത്ത് കാമുകിയോടൊപ്പം അസ്വാഭാവിക നിലയില്‍ കണ്ട പൂജാരിയെ നാട്ടുകാര്‍ കൈയേറ്റം ചെയ്തു. കര്‍ണാടകയില്‍ മൂന്നു ദിവസമായി നടക്കുന്ന ഹംമ്പി ഉത്സവത്തിനിടെ ഇന്ന് യന്‍ദ്രോദ്വാരക ഹനുമാന്‍ ക്ഷേത്ര പരിസരത്ത് വെച്ചായിരുന്നു സംഭവം.
അസ്വാഭാവിക നിലയില്‍ കണ്ട പൂജാരിയെയും റഷ്യന്‍ വനിതയെയുമാണ് നാട്ടുകാര്‍ പിടികൂടിയത്. തുടര്‍ന്ന് പൂജാരിയെന്ന് സ്വയം അവകാശവാദം ഉന്നയിക്കുന്ന ഇയാളെ നാട്ടുകാര്‍ തല്ലിചതയ്ക്കുകയായിരുന്നു. തുടര്‍ന്ന് നാട്ടുകാരില്‍ ഒരാളെ അക്രമിച്ച ശേഷം രക്ഷപ്പെടാന്‍ ശ്രമിച്ച ഇരുവരെയും നാട്ടുകാര്‍ തന്നെ വീണ്ടും പിടികൂടുകയായിരുന്നു. ഇതിന് പിന്നാലെ നാട്ടുകാര്‍ ഇരുവരെയും പൊലീസിനെ ഏല്‍പ്പിച്ചു. . പൂജാരി എന്ന് സ്വയം അവകാശവാദം ഉന്നയിക്കുന്ന ഇയാള്‍ സ്ഥിരം കുറ്റവാളി ആണെന്ന് പൊലീസ് അറിയിച്ചു. കര്‍ണാടകയില്‍ മൂന്നു ദിവസമായി നടക്കുന്ന ഹംമ്പി ഉത്സവത്തില്‍ ആയിരകണക്കിന് വിദേശികള്‍ പങ്കെടുക്കുന്നുണ്ട്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
