ന്യൂഡല്ഹി: പ്രധാനമന്ത്രി നരേന്ദ്രമോദിയെ ബ്രഹ്മാവിനോട് ഉപമിച്ച് കോണ്ഗ്രസ് ലോകസഭ കക്ഷി നേതാവ് മല്ലികാര്ജുന് ഖാര്ഗെ. പാര്ലമെന്റ് ശൈത്യകാല സമ്മേളനം ഇതുവരെ വിളിക്കാത്ത പശ്ചാത്തലത്തിലാണ് ഖാര്ഗെയുടെ പരിഹാസം.
പാര്ലമെന്റ് സമ്മേളനം സംബന്ധിച്ച് നിരവധി മന്ത്രിമാരോടും ഉദ്യോഗസ്ഥരോട് താന് ആരാഞ്ഞു. എന്നാല് ആര്ക്കും ഉത്തരമില്ല. പാര്ലമെന്റ സമ്മേളനത്തിന്റെ സമയക്രമം സംബന്ധിച്ച് അറിയുക ഒരാള്ക്ക് മാത്രമാണ്, അത് പ്രധാനമന്ത്രി നരേന്ദ്രമോദിയ്ക്കാണ് എന്നാണ് മറുപടി. ബ്രഹ്മാവ് ഉത്തരവിട്ടാലേ, ഇതുസംബന്ധിച്ച് തങ്ങള്ക്ക് എന്തെങ്കിലും അറിയാന് സാധിക്കുകയുളളുവെന്നും ഇവര് പറഞ്ഞതായി ഖാര്ഗെ മാധ്യമങ്ങളോട് പറഞ്ഞു.
മോദിസര്ക്കാരിന്റെ കീഴില് ജനാധിപത്യം പ്രതിസന്ധി നേരിടുകയാണ്. ബിജെപി അംഗങ്ങള്ക്കോ, മന്ത്രിമാര്ക്ക് പോലുമോ ഒന്നും അറിയാന് കഴിയാത്ത അവസ്ഥയാണ് മോദി സൃഷ്ടിച്ചിരിക്കുന്നതെന്നും ഖാര്ഗെ കുറ്റപ്പെടുത്തി. നവംബറിലാണ് പാര്ലമെന്റിന്റെ ശൈത്യകാല സമ്മേളനം സാധാരണ നടക്കാറുളളത്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ