ഇംഫാല്‍: വിമാനത്താവളത്തില്‍ വൈകിയെത്തിയ കേന്ദ്രമന്ത്രി അല്‍ഫോന്‍സ് കണ്ണന്താനത്തിന് യാത്രക്കാരിയുടെ ശകാരവര്‍ഷം. ഇംഫാല്‍ വിമാനത്താവളത്തിലാണ് സംഭവം. അടിയന്തിരമായി രോഗിയെ ചികിത്സിക്കാന്‍ പോവുകയായിരുന്ന വനിതാ ഡോക്ടറാണ് മന്ത്രിയെ ശകാരിച്ചത്.
സംഭവത്തില്‍ മന്ത്രി മാപ്പുപറഞ്ഞെങ്കിലും വിമാനം വൈകാന്‍ കാരണം മന്ത്രിയാണെന്ന് അധികൃതര്‍ എഴുതി നല്‍കണമെന്ന് യാത്രകക്കാരി ആവശ്യപ്പെട്ടു. രാഷ്ട്രീയക്കാരെ പോലെ വെറുതെ കളയാനുള്ളതല്ല തന്റെ സമയമെന്ന് പറഞ്ഞുകൊണ്ടായിരുന്നു കണ്ണന്താനത്തിന് നേരെ യാത്രക്കാരി തട്ടിക്കയറിയത്. ഇവരെ പിന്നീട് മറ്റുയാത്രക്കാര്‍ ഇടപെട്ട് ശാന്തരാക്കുകയായിരുന്നു. യാത്രക്കാരിയോട് മാപ്പുചോദിച്ച കണ്ണന്താനം വിമാനം വൈകാന്‍ കാരണം താന്‍ അല്ലെന്ന് വിശദീകരിച്ചു. രാഷ്ട്രപതിയുടെ സന്ദര്‍ശനവുമായി ബന്ധപ്പെട്ടാണ് വിമാനം വൈകിയതെന്ന് കണ്ണന്താനം പറഞ്ഞു. മന്ത്രിക്ക് നേരെയുള്ള യുവതിയുടെ രോക്ഷ പ്രകടനം സോഷ്യല്‍ മീഡിയയില്‍ വൈറലായിരിക്കുകയാണ്
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
