ന്യൂഡല്ഹി: ഒളിംപിക്സ് വെള്ളി മെഡല് ജേതാവ് രാജ്യവര്ദ്ദന് സിങ് റാത്തോട് കായിക മന്ത്രിയായതോടെ, കേന്ദ്ര കായിക മന്ത്രാലയത്തിന്റെ ചുമതല വഹിക്കുന്ന ആദ്യ കായിക താരമായി മുന് ഇന്ത്യന് ഷൂട്ടര്.
വിജയ് ഗോയലായിരുന്നു കായിക മന്ത്രാലയത്തിന്റെ ചുമതല വഹിച്ചിരുന്നത്. 2016ലായിരുന്നു ഗോയല് കായിക മന്ത്രിയായത്. 2004ലെ ഏതന്സ് ഒളിംപിക്സിലായിരുന്നു റാത്തോട് വെള്ളിമെഡല് നേടിയത്. ഇതുകൂടാതെ, കോമണ്വെല്ത്ത്, ഏഷ്യന് ഗെയിംസുകളിലും റാത്തോഡ് മെഡലുകള് സ്വന്തമാക്കിയിരുന്നു.
2013ല് ബിജെപിയില് ചേര്ന്ന റാത്തോട്, മോദി മന്ത്രിസഭയില് ഇന്ഫോര്മേഷന് ആന്ഡ് ബ്രോഡ്കാസ്റ്റ് മന്ത്രാലയത്തിന്റെ ചുമതലയായിരുന്നു വഹിച്ചിരുന്നത്. 2005ല് റാത്തോടിന് പത്മശ്രീയും ലഭിച്ചിരുന്നു.
കായിക താരം കായിക മന്ത്രിയായതോടെ, 2020 ടോക്യോ ഒളിംപിക്സില് ഇതിന്റെ നേട്ടം പ്രതിഫലിക്കുമെന്നാണ് വിലയിരുത്തല്.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ