ന്യൂഡല്ഹി: ബാബാ രാംദേവിന്റെ ഉടമസ്ഥതയിലുള്ള പതജ്ഞലിയുടെ ച്യവനപ്രാശത്തിന്റെ പരസ്യത്തിന് വിലക്ക് ഏര്പ്പെടുത്തി ഡല്ഹി ഹൈക്കോടതി. ഡാബര് നല്കിയ ഹര്ജിയിലാണ് ഹൈക്കോടതിയുടെ ഇടക്കാല ഉത്തരവ്. സപ്തംബര് 26വരെ കേസ് പരിഗണിക്കും വരെ പരസ്യം ഒഴിവാക്കാനാണ് കോടതിയുടെ ഉത്തരവ്
ഡാബറിന്റെ പരസ്യത്തിന് സമാനമായ രീതിയിലാണ് പതജ്ഞലിയുടെയും പരസ്യമെന്ന് ചൂണ്ടിക്കാട്ടിയാണ് ഡാബര് കോടതിയെ സമീപിച്ചത്. ഇത് മൂലം ഉപഭോക്താക്കള് തെറ്റിദ്ധരിക്കാന് സാധ്യതയുണ്ടെന്നും ഡാബര് അഭിഭാഷകന് കോടതിയെ അറിയിച്ചു. എന്നാല് ഡാബറിന്റെ ഈ വാദം നേരത്തെ സിംഗിള് ബഞ്ച് തള്ളിയിരുന്നു. ഇതേതുടര്ന്നാണ് മേല്കോടതിയെ സമീപിച്ചത്. മറ്റ് ബ്രാന്റുകളെ അധിക്ഷേപിക്കുന്ന തരത്തില് പരസ്യങ്ങള് നല്കിയതിനെതിരെ നേരത്തെയും പതജ്ഞലിക്കെതിരെ കോടതി പിഴ വിധിച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ