ജോധ്പുര് : കൃഷ്ണ മൃഗ വേട്ടക്കേസില് ബോളിവുഡ് താരം സല്മാന് ഖാന് കുറ്റക്കാരനെന്ന് കോടതി വിധിച്ചു. അതേസമയം കേസിലെ കൂട്ടുപ്രതികളായ സെയ്ഫ് അലിഖാന്, സൊനാലി ബേന്ദ്ര, തബു, നീലം തുടങ്ങിയവരെ കോടതി കുറ്റവിമുക്തരാക്കി. ജോധ്പുര് ചീഫ് ജുഡീഷ്യല് മജിസ്ട്രേട്ട് ദേവ്കുമാര് ഖത്രി വിധി പ്രസ്താവിച്ചത്.
1998 ലാണ് കേസിനാസ്പദമായ സംഭവം ഉണ്ടാകുന്നത്. സല്മാന് ഖാനും മറ്റ് അഞ്ചുപേരും 1998 ഒക്ടോബര് ഒന്നിനു രാത്രി യാത്രയ്ക്കിടെ രണ്ടു മാനുകളെ വെടിവച്ചുകൊന്നു എന്നാണ് കേസ്. സല്മാനു പുറമെ സെയ്ഫ് അലിഖാന്, സൊനാലി ബേന്ദ്ര, തബു, നീലം കോത്താരി എന്നിവരായിരുന്നു കേസിൽ പ്രതികളായിരുന്നത്.
ഹംസാത്ത് സാത്ത് ഹൈ എന്ന ചിത്രത്തിന്റെ ഷൂട്ടിംഗിനായി രാജസ്ഥാനിലെ ജോധ്പൂരില് എത്തിയപ്പോഴാണ്, 1998 ഒക്ടോബര് ഒന്ന്, രണ്ട് തീയതികളില് ഗോധ ഫാമില് രണ്ട് കൃഷ്ണമൃഗങ്ങളെ വേട്ടയാടി കൊന്നത്.
വന്യജീവി സംരക്ഷണ നിയമം ലംഘിച്ചു മാനുകളെ വെടിവച്ചു കൊന്നതിനു റജിസ്റ്റര് ചെയ്ത കേസില് ജോധ്പുര് കോടതിയില് മാര്ച്ച് 28നു വാദം പൂര്ത്തിയായിരുന്നു. കേസില് 2007ല് അഞ്ചുവര്ഷം തടവിനു ശിക്ഷക്കപ്പെട്ടെങ്കിലും ജാമ്യം അനുവദിച്ചിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ