യെദ്യൂരപ്പ ശിക്കാരിപ്പുരയിൽ ; കർണാടകയിൽ ബി​ജെ​പി​ ആ​ദ്യ​ഘ​ട്ട സ്ഥാ​നാ​ർ​ഥി പ​ട്ടി​ക പുറത്തുവിട്ടു

ജ​ഗദീഷ് ഷെട്ടാർ ഹൂ​ഗ്ലി ദാർവാഡ് സെന്ററിലും, കെഎസ് ഈശ്വരപ്പ ഷിമോ​ഗയിലും മൽസരിക്കും
യെദ്യൂരപ്പ ശിക്കാരിപ്പുരയിൽ ; കർണാടകയിൽ ബി​ജെ​പി​ ആ​ദ്യ​ഘ​ട്ട സ്ഥാ​നാ​ർ​ഥി പ​ട്ടി​ക പുറത്തുവിട്ടു

ന്യൂ​ഡ​ൽ​ഹി: ക​ർ​ണാ​ട‌​ക നി​യ​മ​സ​ഭ​ തിരഞ്ഞെടുപ്പിനുള്ള ബി​ജെ​പി​യു​ടെ ആ​ദ്യ​ഘ​ട്ട സ്ഥാ​നാ​ർ​ഥി പ​ട്ടി​ക പ്ര​സി​ദ്ധീ​ക​രി​ച്ചു. 72 സ്ഥാനാർത്ഥികളെയാണ് പ്രഖ്യാപിച്ചിട്ടുള്ളത്.  ബിജെപിയുടെ മു​ഖ്യ​മ​ന്ത്രി സ്ഥാനാർത്ഥി  ബി​എ​സ്.​യെദ്യൂ​ര​പ്പ, പാർട്ടിയുടെ മുതിർന്ന നേതാക്കളായ ജ​ഗ​ദീ​ഷ് ഷെ​ട്ടാ​ർ, കെ.​എ​സ്. ഈ​ശ്വ​ര​പ്പ എ​ന്നി​വ​ർ പ​ട്ടി​ക​യി​ൽ ഇ​ടം പി​ടി​ച്ചി​ട്ടു​ണ്ട്. 

ശിക്കാരിപ്പുരയിൽ നിന്നാകും മുൻ മുഖ്യമന്ത്രിയായ ബി എസ് യെദ്യൂരപ്പ ജനവിധി തേടുക. ജ​ഗദീഷ് ഷെട്ടാർ ഹൂ​ഗ്ലി ദാർവാഡ് സെന്ററിലും, കെഎസ് ഈശ്വരപ്പ ഷിമോ​ഗയിലും മൽസരിക്കും. ആദ്യഘട്ട സ്ഥാനാർത്ഥി പട്ടികയിൽ മൂന്നു വനിതകളും ഇടംപിടിച്ചിട്ടുണ്ട്. 

പാ​ർ​ട്ടി ദേ​ശീ​യ അ​ധ്യ​ക്ഷ​ൻ അ​മി​ത് ഷാ, ​പ്ര​ധാ​ന​മ​ന്ത്രി ന​രേ​ന്ദ്ര​മോ​ദി, മ​ന്ത്രി​മാ​രാ​യ രാ​ജ്നാ​ഥ് സിം​ഗ്, സു​ഷ​മാ സ്വ​രാ​ജ്, ബിഎസ് യെദ്യൂരപ്പ തുടങ്ങിയവരുടെ നേതൃത്വത്തിൽ നടന്ന കേന്ദ്ര തിരഞ്ഞെടുപ്പ് കമ്മിറ്റിയാണ് സ്ഥാനാർത്ഥി പട്ടികയ്ക്ക് അന്തിമരൂപം നൽകിയത്. പാർട്ടി ആസ്ഥാനത്ത് ബിജെപി അധ്യക്ഷൻ അമിത് ഷായാണ് സ്ഥാനാർത്ഥികളുടെ  പ​ട്ടി​ക പു​റ​ത്തു​വി​ട്ട​ത്.

മെയ് 12 നാണ് കർണാകടയിൽ നിയമസഭാ തിരഞ്ഞെടുപ്പ് നടക്കുക. 224 അം​ഗ സഭയിൽ 150 സീറ്റുകളാണ് ബിജെപി ലക്ഷ്യമിടുന്നത്. കോൺ​ഗ്രസ് ഈ മാസം 15 ന് മുഴുവൻ സ്ഥാനാർത്ഥികളേയും ഒറ്റഘട്ടമായി പ്രഖ്യാപിക്കുമെന്ന് പ്രസ്താവിച്ചിട്ടുണ്ട്. ജനതാദൾ സെക്കുലറാകട്ടെ ഇതിനകം, 126 മണ്ഡലങ്ങളിലെ സ്ഥാനാർത്ഥികളെ പ്രഖ്യാപിച്ച് കഴിഞ്ഞു. 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com