മുസാഫര്‍നഗര്‍: രണ്ടാം ഭാര്യയ്‌ക്കൊപ്പം ജീവിച്ചതിന് യുവതി ഭര്‍ത്താവിന്റെ ജനനേന്ദ്രിയം മുറിച്ചു മാറ്റി. മുസാഫര്‍ നഗറിലെ മിംമ്ലാനയില്‍ ബുധനാഴ്ചയായിരുന്നു സംഭവം. രണ്ടാമത് വിവാഹിതനായ ശേഷം തന്നെ തുടര്‍ച്ചയായി അവഗണിക്കുന്നുവെന്നും കൂടെ താമസിക്കുന്നില്ലെന്നതുമാണ് യുവതിയെ കൃത്യത്തിന് പ്രേരിപ്പിച്ചതെന്ന് പൊലീസ് പറയുന്നു. യുവതിയുടെ ഭര്‍ത്താവിനെ ഗുരുതരാവസ്ഥയില്‍ ആശുപത്രിയില്‍ പ്രവേശിപ്പിച്ചിട്ടുണ്ട്.
വിവാഹം കഴിഞ്ഞ് വര്‍ഷങ്ങളായിട്ടും കുട്ടികളില്ലാതിരുന്നതിന തുടര്‍ന്ന് ആദ്യഭാര്യയുടെ സമ്മതത്തോടെയാണ് മുസാഫര്‍ബാദ് സ്വദേശിയായ യുവാവ് രണ്ടാമതും വിവാഹം കഴിച്ചത്. രണ്ടാമത് വിവാഹം കഴിച്ച സ്ത്രീയില്‍ ഇയാള്‍ക്ക് അടുത്തയിടെ കുട്ടി ജനിച്ചിരുന്നു. കുഞ്ഞിന്റെ കൂടെ സമയം ചിലവഴിക്കുന്നതിനായി ഇയാള്‍ രണ്ടാമത്തെ ഭാര്യയുടെ വീട്ടിലായിരുന്നതാണ് ഇവരെ ചൊടിപ്പിച്ചതെന്നാണ് പൊലീസ് പറയുന്നത്. വീട്ടുകാരുടെ പരാതിയില്‍ യുവതിക്കെതിരെ പൊലീസ് കേസെടുത്തു. കൊട്വാലി പൊലീസാണ് കേസ് അന്വേഷിക്കുന്നത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
