ബന്ദിപ്പൂര്‍ വനത്തിലൂടെയുള്ള രാത്രിയാത്രാ വിലക്ക് തുടരുമെന്ന് കര്‍ണാടക സര്‍ക്കാര്‍ അറിയിച്ചു. മേല്‍പ്പാലങ്ങള്‍ പണിയുന്നത് എളുപ്പമാകില്ലെന്നും മുഖ്യമന്ത്രി എച്ച് ഡി കുമാരസ്വാമി വ്യക്തമാക്കി. രാത്രിയാത്ര തുടരാനായി മേല്‍പ്പാലം പണിയാനുള്ള കേന്ദ്രസര്‍ക്കാര്‍ നിര്‍ദേശത്തെ തുടര്‍ന്നാണിത്.
റോഡിന്റെ വീതികൂട്ടാനും രാത്രിയാത്രാ നിരോധനം നീക്കുവാനുമുള്ള പിന്തുണ തേടി കേന്ദ്രം കര്‍ണാടകയെ സമീച്ചിരുന്നു. ഇതിനായി വരുന്ന 46000 കോടി രൂപ കേരളവും കര്‍ണാടകവും ചേര്‍ന്ന് ഒന്നിച്ചെടുക്കണമെന്നും കേന്ദ്രം വ്യക്തമാക്കിയിരുന്നു. എലിവേറ്റഡ് ഹൈവേ നിര്‍മ്മിക്കാനും റോഡിന്റെ ഇരുവശവും എട്ടടി ഉയരത്തില്‍ കമ്പിവല കെട്ടാനും കേന്ദ്രം നിര്‍ദേശമുണ്ടായിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
