ന്യൂഡല്ഹി: മുതിര്ന്ന കോണ്ഗ്രസ് നേതാവും മുന് കേന്ദ്രമന്ത്രിയുമായിരുന്ന രജീന്ദര് കുമാര് ധവാന്(ആര്.കെ.ധവാന് 81) അന്തരിച്ചു. ഡല്ഹിയിലെ ബിഎല് കപൂര് ആശുപത്രിയില് തിങ്കളാഴ്ച വൈകിട്ട് ഏഴു മണിയോടെയായിരുന്നു അന്ത്യം. വാര്ധക്യസഹജമായ രോഗങ്ങളെത്തുടര്ന്ന് കഴിഞ്ഞയാഴ്ച അദ്ദേഹത്തെ ആശുപത്രിയില് പ്രവേശിപ്പിച്ചിരുന്നു. ഇന്ദിരാഗാന്ധിയുടെ പ്രൈവറ്റ് സെക്രട്ടറിയായും രാജ്യസഭാംഗമായും അദ്ദേഹം പ്രവര്ത്തിച്ചിരുന്നു.
ആര്.കെ.ധവാന്റെ വേര്പാടില് കോണ്ഗ്രസ് വക്താവ് രണ്ദീപ് സുര്ജേവാലയും മുന് രാഷ്ട്രപതി പ്രണബ് മുഖര്ജിയും അനുശോചനം രേഖപ്പെടുത്തി. പ്രതിപക്ഷ നേതാവ് രമേശ് ചെന്നിത്തലയും അദ്ദേഹത്തിന്റെ വേര്പാടില് അനുശോചിച്ചു. കോണ്ഗ്രസ് പ്രതിസന്ധിഘട്ടങ്ങളിലൂടെ കടന്നുപോയ കാലത്ത് ഇന്ദിരാഗാന്ധിക്കൊപ്പം അടിയുറച്ചുനിന്ന നേതാവായിരുന്നു അദ്ദേഹമെന്നും അതുല്യമായ വ്യക്തിത്വത്തിന് ഉടമയായിരുന്നു അദ്ദേഹമെന്നും രമേശ് ചെന്നിത്തല പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ