ന്യൂഡൽഹി: ഡൽഹിയിലെ നരേലയിൽ ട്രെയിൻ ഇടിച്ച് 20ഓളം പശുക്കൾ ചത്തു. കൽക്ക-ശതാബ്ദി എക്സ്പ്രസ് ഇടിച്ചാണ് പശുക്കൾ ചത്തത്. ട്രെയിൻ കടന്നുപോകുമ്പോൾ 30തോളം പശുക്കൾ പാളത്തിലുണ്ടായിരുന്നെന്നും അതിവേഗത്തിൽ എത്തിയ ട്രെയിൻ പശുക്കളെ ഇടിച്ച്തെറുപ്പിക്കുകയായിരുന്നെന്നും ദൃക്സാക്ഷികൾ പറയുന്നു.
റെയിൽവേ പൊലീസ് അധികൃതർ നൽകുന്ന വിവരമനുസരിച്ച് അപകടത്തിൽ 20പശുക്കളാണ് ചത്തത്. എന്നാൽ 26ഓളം പശുക്കൾ ചത്തെന്നാണ് നാട്ടുകാർ പറയുന്നത്. പരിക്കേറ്റ മറ്റു പുശുക്കളെ മൃഗരോഗാശുപത്രിയിൽ ചികിത്സയ്ക്ക് പ്രവേശിപ്പിച്ചു.
ഇന്നലെ വൈകിട്ട് 7:15ഓടെയാണ് സംഭവം നടന്നത്. അപകടത്തെതുടർന്ന് ഇതുവഴിയുള്ള റെയിൽ ഗതാഗതം തടസപ്പെട്ടു. ട്രാക്കിലെ തകരാറുകൾ പരിഹരിച്ച് ഒന്നരമണിക്കൂറിന് ശേഷമാണ് ട്രെയിൻ സർവീസുകൾ പുനഃരാരംഭിച്ചത്
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ