അഹമ്മദാബാദ്: ഗുജറാത്തിലെ പാഞ്ച്മഹല്‍ ജില്ലയില്‍ കാര്‍ അപകടത്തില്‍ ഒരു കുടുംബത്തിലെ ഏഴ് കുട്ടികള്‍ മരിച്ചു. ഇന്നലെ അര്‍ധരാത്രിയോടെ കാറിന്റെ നിയന്ത്രണംവിട്ട് അപകടത്തില്‍പ്പെടുകയായിരുന്നു. പത്ത് പേരാണ് വാഹനത്തിലുണ്ടായിരുന്നത്. മറ്റ് മൂന്ന് പേര്‍ പരുക്കുകളോടെ രക്ഷപ്പെട്ടു. മുഹമ്മദ് ബിലാല്‍ (17), മുഹമ്മദ് റൗഫ് (14), മുഹമ്മദ് സാജിദ് (13), ഗുല്‍ അഫ്‌റോസ് (13), അസീന ബാനു (11), മുഹമ്മദ് താഹിര്‍ (11), മുഹമ്മദ് യൂസഫ് (ഏഴ്) എന്നിവരാണ് മരിച്ചത്.
ഹാലോളിലുള്ള ബന്ധുവീട് സന്ദര്‍ശിച്ച് മടങ്ങവെയാണ് കുടുംബം സഞ്ചരിച്ച കാര്‍ അപകടത്തില്‍പ്പെട്ടത്. ജംബുഗോഡയിലെ ഭാട്ട് ഗ്രാമത്തില്‍വെച്ച് വളവ് തിരിയുന്നതിനിടെ വാഹനത്തിന്റ നിയന്ത്രണം നഷ്ടപ്പെട്ട് വെള്ളമുള്ള കുഴിയിലേക്ക് മറിയുകയായിരുന്നു. അപകടം നടന്നയുടനെ തന്നെ നാട്ടുകാര്‍ രക്ഷാപ്രവര്‍ത്തനം നടത്തി രക്ഷപ്പെട്ട മൂന്ന് പേരെ ആശുപത്രിയിലേക്ക് മാറ്റിയതായി പൊലീസ് വ്യക്തമാക്കി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
