ഡെല്‍ഹി: അമിതവേഗതയില്‍ എത്തിയ ബി.എം.ഡബ്ലു കാറിടിച്ച് 50 വയസുകാരന്‍ കൊല്ലപ്പെട്ടു. അപകടത്തിന്റെ സിസിടിവി ദൃശ്യങ്ങള്‍ പുറത്തു വന്നിട്ടുണ്ട്. ഡല്‍ഹി സര്‍വകലാശാല വിദ്യാര്‍ത്ഥിയായ അഭിനവ് സഹ്നി(21) യാണ് വണ്ടിയോടിച്ചിരുന്നത്. ഇയാളെ അറസ്റ്റ് ചെയ്ത് ജാമ്യത്തില്‍ വിട്ടു.
റോഡ് മുറിച്ചു കടക്കാന്‍ ശ്രമിക്കുന്നതിനിടെയാണ് ശിവ്‌നാഥ് എന്ന 50കാരന്‍ അപകടത്തില്‍ പെട്ടത്. ഇടിയുടെ ആഘാതത്തില്‍ ഇയാള്‍ തെറിച്ചു പോകുകയായിരുന്നു. ഇടിച്ച ശേഷം ബിഎംഡബ്ലു എസ്.യു.വി കാര്‍ നിര്‍ത്താതെ പോകുകയായിരുന്നു.
സിസിടിവി ദൃശ്യങ്ങള്‍ പരിശോധിച്ചതിന്റേയും സാക്ഷികളില്‍ നിന്ന് ലഭിച്ച വിവരത്തിന്റേയും അടിസ്ഥാനത്തിലാണ് കുറ്റാരോപിതനായ അഭിനവിനെ പൊലീസ് അറസ്റ്റ് ചെയ്തത്. രാജ്യതലസ്ഥാനത്തെ മൗരിസ് നഗര്‍ പ്രദേശത്താണ് അപകടം ഉണ്ടായത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
