ഉദയ്പൂര്‍: രാജസ്ഥാനിലെ ഉദയ്പൂരില്‍ ദമ്പതികളെ നഗ്നരാക്കി നടത്തിച്ച സംഭവത്തില്‍ നാലു പേരെ പൊലീസ് അറസ്റ്റു ചെയ്തു.സ്വന്തം ഇഷ്ടപ്രകാരം വിവാഹിതരായ ദമ്പതിമാരെയാണ് നഗ്നരാക്കി നടത്തി അപമാനിച്ചത്. ഇവരെ ഉപദ്രവിച്ചതിനും ദൃശ്യങ്ങള്‍ സമൂഹമാധ്യമങ്ങളില്‍ പ്രചരിപ്പിച്ചതിനുമാണ് നാലു പേരെ അറസ്റ്റ് ചെയ്തത്. കേസില്‍ അന്വേഷണം പുരോഗമിക്കുകയാണെന്ന് പൊലീസ് അറിയിച്ചു. സുരാകുണ്ഡ് സ്വദേശിയായ രാംലാല്‍ ഗൊമേതിയും ഭാര്യയുമാണ് അക്രമത്തിനിരയായത്.
മുമ്പ് അതേ ഗ്രാമത്തിലെ മറ്റൊരാളെ യുവതി വിവാഹം കഴിച്ചിരുന്നുവെന്നും അയാളെ ഉപേക്ഷിച്ചാണ് രാംലാലിനെ വിവാഹം കഴിച്ചതെന്നും പൊലീസ് പറയുന്നു. ആദ്യഭര്‍ത്താവുള്‍പ്പെടുന്ന സംഘമാണ് വീട് ആക്രമിക്കുകയും ദമ്പതികളെ നഗ്നരാക്കി നടത്തുന്നതിന് നേതൃത്വം നല്‍കിയത് എന്നും പൊലീസ് വെളിപ്പെടുത്തി
കഴിഞ്ഞ വര്‍ഷവും ഉദയ്പൂരില്‍ സമാനമായ സംഭവം ഉണ്ടായിരുന്നു. 20 വയസ്സുള്ള പെണ്‍കുട്ടിയും ഭര്‍ത്താവുമാണ് അക്രമത്തിനിരയായത്. വടികൊണ്ട് അടിച്ച് അവശരാക്കിയ ശേഷം ലൈംഗീകമായും ആക്രമിച്ചിരുന്നു. പതിനെട്ട് പേരെ ഈ സംഭവത്തില്‍ പൊലീസ് കസ്റ്റഡിയിലെടുത്തിരുന്നു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
