ന്യൂഡല്ഹി: ഒന്നാംക്ലാസിലും രണ്ടാംക്ലാസിലും പഠിക്കുന്ന വിദ്യാര്ത്ഥികളെ ഹോംവര്ക്ക് ചെയ്യിക്കുന്നതില് നിന്ന് ഒഴിവാക്കാന് ബില്ല് പാസാക്കുമെന്ന് കേന്ദ്ര മാനവ വിഭവശേഷി വകുപ്പ് മന്ത്രി പ്രകാശ് ജാവഡേക്കര്. ഒന്നും രണ്ടും ക്ലാസിലെ കുട്ടികളെ ഹോംവര്ക്ക് ചെയ്യിക്കുന്നതില് നിന്ന് ഒഴിവാക്കിക്കൊണ്ട് മദ്രാസ് ഹൈക്കോടതി വിധി പറഞ്ഞതിന്് പിന്നാലെയാണ് മന്ത്രിയുടെ പ്രഖ്യാപനം വന്നിരിക്കുന്നത്. കുട്ടികളുടെ പുസ്തക ഭാരം കുറക്കുന്നതിന് നടപടി എടുക്കണമെന്ന് കേന്ദ്ര സര്ക്കാരിനോട് കോടതി ആവശ്യപ്പെട്ടിരുന്നു.
സന്തോഷകരമായ വിദ്യാഭ്യാസ രീതിയിലാണ് സര്ക്കാര് വിശ്വസിക്കുന്നതെന്ന് മന്ത്രി പറഞ്ഞു. കോടതിയുടെ നിര്ദേശം സ്വീകരിക്കുന്നുവെന്നും മന്ത്രി പറഞ്ഞു. കോടതി ഉത്തരവ് പഠിക്കുകയാണെന്നും വേണ്ട നടപടി സ്വീകരിക്കുമെന്നും അദ്ദേഹം പറഞ്ഞു. ബില്ല് പാര്ലമെന്റിന്റെ വര്ഷകാല സമ്മേളനത്തില് പാസാക്കുമെന്നും മന്ത്രി പറഞ്ഞു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ