കാര്‍ത്തി ചിദംബരത്തിന്റെ സിബിഐ കസ്റ്റഡി മൂന്നുദിവസത്തേക്ക് കൂടി നീട്ടി
ന്യൂഡല്‍ഹി: ഐഎന്‍എക്‌സ് മീഡിയ കേസില്‍ അറസ്റ്റിലായ കാര്‍ത്തി ചിദംബരത്തിന്റെ സിബിഐ കസ്റ്റഡി മൂന്ന് ദിവസം കൂടി നീട്ടി. പട്യാല ഹൗസ് കോടതിയാണ് മാര്‍ച്ച് 12വരെ കാര്‍ത്തി ചിദംബരത്തിന്റെ കസ്റ്റഡി നീട്ടി നല്‍കിയത്.
ആറ് ദിവസം നീട്ടണമെന്നായിരുന്നു സിബിഐ ആവശ്യപ്പെട്ടിരുന്നത്. കാര്‍ത്തിക്ക് വേണ്ടി ഹാജരായ മുതിര്‍ന്ന അഭിഭാഷകന്‍ അഭിഷേക് മനു സിങ്വി ആവശ്യത്തെ എതിര്‍ത്തതിനെ തുടര്‍ന്നാണ് കസ്റ്റഡി മൂന്ന് ദിവസമാക്കിയത്.
അതിനിടെ, കാര്‍ത്തി ചിദംബരത്തെ എന്‍ഫോഴ്‌സ്‌മെന്റ് ഡയറക്ടറേറ്റ് അറസ്റ്റു ചെയ്യുന്നത് ഡല്‍ഹി ഹൈക്കോടതി താത്കാലികമായി തടഞ്ഞു. മാര്‍ച്ച് 20 വരെ അറസ്റ്റു ചെയ്യരുതെന്നാണ് ഹൈക്കോടതി നിര്‍ദ്ദേശം. ഇതുസംബന്ധിച്ച് കേന്ദ്രസര്‍ക്കാരിനും എന്‍ഫോഴ്‌സ്‌മെന്റ് ഡയറക്ടേറേറ്റിനും ഹൈക്കോടതി നോട്ടീസയച്ചു. ഫെബ്രുവരി 28 നാണ് കാര്‍ത്തി ചിദംബരം ചെന്നൈയില്‍നിന്ന് അറസ്റ്റിലായത്.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
