'പത്ത് ദിവസം പഴവും പച്ചക്കറിയും വിതരണം ചെയ്യില്ല'; കേന്ദ്രസര്‍ക്കാര്‍ നടപടിക്കെതിരേ 'പണിമുടക്കി' പ്രതിഷേധിക്കാനൊരുങ്ങി കര്‍ഷകര്‍

ജൂണ്‍ ഒന്നു മുതല്‍ പത്ത് ദിവസത്തേക്ക് കാര്‍ഷിക ഉല്‍പ്പന്നങ്ങള്‍ വിതരണം ചെയ്യേണ്ടെന്നാണ് കര്‍ഷക സംഘടനകളുടെ തീരുമാനം
'പത്ത് ദിവസം പഴവും പച്ചക്കറിയും വിതരണം ചെയ്യില്ല'; കേന്ദ്രസര്‍ക്കാര്‍ നടപടിക്കെതിരേ 'പണിമുടക്കി' പ്രതിഷേധിക്കാനൊരുങ്ങി കര്‍ഷകര്‍

കേന്ദ്രസര്‍ക്കാരിന്റെ കര്‍ഷകവിരുദ്ധ നടപടിക്കെതിരേ 'പണിമുടക്കി' പ്രതിഷേധിക്കാനൊരുങ്ങി കര്‍ഷകര്‍.  ഉത്തരേന്ത്യന്‍ സംസ്ഥാനങ്ങളിലെ കര്‍ഷകരാണ് പണിമുടക്കാന്‍ തീരുമാനിച്ചിരിക്കുന്നത്. ജൂണ്‍ ഒന്നു മുതല്‍ പത്ത് ദിവസത്തേക്ക് കാര്‍ഷിക ഉല്‍പ്പന്നങ്ങള്‍ വിതരണം ചെയ്യേണ്ടെന്നാണ് കര്‍ഷക സംഘടനകളുടെ തീരുമാനം. 

കാര്‍ഷിക കടങ്ങള്‍ എഴുതിത്തള്ളുക, സ്വാമിനാഥന്‍ കമ്മീഷന്‍ ശുപാര്‍ശ നടപ്പാക്കുക, തുടങ്ങിയ വളരെ കാലമായി കര്‍ഷകര്‍ മുന്നോട്ടുവെക്കുന്ന ആവശ്യങ്ങള്‍ കേന്ദ്രസര്‍ക്കാര്‍ അംഗീകരിക്കാത്തതില്‍ പ്രതിഷേധിച്ചാണ് നടപടി. കിസാന്‍ ഏക്താ മഞ്ച്, രാഷ്ട്രീയ കിസാന്‍ മഹാസഭാ എന്നീ സംഘടനകളാണ് പ്രതിഷേധത്തിന് അഹ്വാനം ചെയ്തിരിക്കുന്നത്. 

ഈ സംഘടനകളുടെ ഏകോപന സമിതി യോഗത്തിലായിരുന്നു തീരുമാനം. വടക്കേ, മധ്യ ഇന്ത്യന്‍ കര്‍ഷകരാണ് പ്രതിഷേധിക്കുന്നത്. ഉത്തര്‍പ്രദേശ്, ഗുജറാത്ത്, മഹാരാഷ്ട്ര, ഹിമിചല്‍ പ്രദേശ് എന്നീ സംസ്ഥാനങ്ങളിലെ കര്‍ഷകരാണ് യോഗത്തില്‍ പങ്കെടുത്തത്.
 

സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ

Related Stories

No stories found.
logo
Samakalika Malayalam
www.samakalikamalayalam.com