കൊല്‍ക്കത്ത: ബംഗാള്‍ പഞ്ചായത്ത് തെരഞ്ഞെടുപ്പില്‍ സിപിഎം -ബിജെപി ധാരണ എന്ന തരത്തില്‍ പ്രചരിപ്പിക്കുന്ന വാര്‍ത്ത തികച്ചും അടിസ്ഥാന രഹിതമെന്ന് പൊളിറ്റ് ബ്യൂറോ അംഗം ബിമന്‍ ബസു. അങ്ങനെ ഒരു ധാരണ സംസ്ഥാനത്ത് ഒരിടത്തുമില്ലെന്നും അദ്ദേഹം പറഞ്ഞു.
ബിജെപിയേയും തൃണമൂലിനേയും തുല്യ ശത്രുക്കളായിട്ടാണ് സിപിഎമ്മും ഇടതുമുന്നണിയും കണക്കാക്കുന്നത്. തൃണമൂലിന്റെ ആക്രമണം നേരിടാന്‍ ബിജെപിയുമായി ഒരു തരത്തിലുമുളള ധാരണയോ നീക്കുപോക്കോ ഉണ്ടാക്കുന്ന പ്രശ്‌നമില്ല. അങ്ങനെ ആരെങ്കിലും ബിജെപിയും തൃണമൂലും ഒരേ നാണയത്തിന്റെ ഇരുവശങ്ങളാണെന്നും ബിമന്‍ ബസു പറഞ്ഞു.
ഇടതുമുന്നണിയ്ക്ക് പത്രിക സമര്‍പ്പിക്കാന്‍ കഴിയാതെ വന്നയിടങ്ങളില്‍ പ്രദേശികാടിസ്ഥാനത്തില്‍ അംഗീകൃതരായ സ്വതന്ത്രരെ പിന്തുണയ്ക്കും. ഇത് ഏതെങ്കിലും പാര്‍ടിയുമായുള്ള ധാരണയോ സഖ്യമോ അല്ല .അങ്ങനെ ചിത്രീകരിക്കാന്‍ ശ്രമിയ്ക്കുന്നത് ദുരുദ്ദേശപരമാണ് ബിമന്‍ ബസു പറഞ്ഞു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
