ന്യൂഡല്ഹി: കര്ണാടകയില് സര്ക്കാരുണ്ടാക്കാന് ബിജെപിയെ ക്ഷണിച്ച ഗവര്ണറുടെ നടപടിക്കെതിരെ മുതിര്ന്ന അഭിഭാഷകന് റാം ജെത്മലാനിയും സുപ്രീംകോടതിയില്. യെദ്യൂരപ്പയെ മുഖ്യമന്ത്രിയായി സത്യപ്രതിജ്ഞ ചെയ്യാന് അനുവദിച്ച കര്ണാടക ഗവര്ണര് വാജുഭായ് വാലയുടെ നടപടി ചോദ്യം ചെയ്തുകൊണ്ടാണ് ജെത്മലാനി സുപ്രീംകോടതിയെ സമീപിച്ചത്. വിഷയത്തില് ഉടന് വാദം കേള്ക്കണം എന്നും അദ്ദേഹം ആവശ്യപ്പെട്ടു.
ചീഫ് ജസ്റ്റിസ് ദീപ്ക് മിശ്ര അധ്യക്ഷനായ മൂന്നംഗം ബെഞ്ചിന് മുന്നിലാണ് ജെത്മലാനി ഹര്ജി അടിയനന്തരമായി പരിഗണിക്കണെന്ന് ആവശ്യപ്പെട്ടത്. ഇക്കാര്യം നാളെ ഉജിതമായ ബെഞ്ചിന് മുന്നില് ആവശ്യപ്പെടാന് മൂന്നംഗ ബെഞ്ച് ജെത്മലാനിയോട് നിര്ദേശിച്ചു.
ജസ്റ്റിസ് എ.കെ.സിക്രിയുടെ നേതൃത്വത്തിലുള്ള ബെഞ്ചാണ് കേസ് പരിഗണിക്കുന്നത്. ഗവര്ണറുടെ നടപടി ചോദ്യം ചെയ്തും സത്യപ്രതിജ്ഞ റദ്ദാക്കണം എന്നുമാവശ്യപ്പെട്ട് കോണ്ഗ്രസാണ് സുപ്രീംകോടതിയില് ഹര്ജി നല്കിയത്. കേസില് തുടര്വാദം കേള്ക്കുന്നത് വെള്ളിയാഴ്ച പത്തുമണിയിലേക്ക് മാറ്റിയിരുന്നു.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ