ബെംഗലൂരു: ബിജെപിയുടെ ചാക്കിട്ടുപിടുത്തം ഭയന്ന് കര്ണാടക വിട്ട കോണ്ഗ്രസ് എംഎല്എമാര് കേരളത്തിലേക്കെന്ന് സൂചന. ബെംഗലൂരുവില് നിന്ന് എംഎല്എമാരേയും കൊണ്ട് റോഡ് മാര്ഗമാണ് കൊച്ചിയിലേക്ക് വരുന്നത് എന്നാണ് സൂചന. ഇതിന്റെ ഭാഗമായി വാളയാര് ചെക്ക് പോസ്റ്റില് കനത്ത സുരക്ഷയാണ് ഒരുക്കിയിരിക്കുന്നത്. എന്നാല് ഇത് സംബന്ധിച്ച് കൃത്യമായ വിവരങ്ങളൊന്നും കേരള പൊലീസിന അറിയില്ല.
എംഎല്എമാരെ താമസിപ്പിച്ചിരുന്ന റിസോര്ട്ടിന്റെ സുരക്ഷ യെദ്യൂരപ്പ പിന്വലിച്ചതിന് പിന്നാലെയാണ് എംഎല്എമാരേയും കൊണ്ട് കേരളത്തിലേക്ക് കടക്കാന് കോണ്ഗ്രസ് തീരുമാനിച്ചത്. കെ.സി വേണുഗോപാലിന്റെ നിര്ദേശപ്രകാരമാണ് കേരളത്തിലേക്ക് വരുന്നത്.
എംഎല്എമാര്ക്ക് വേണ്ടി ചാര്ട്ടേഡ് വിമാനം ഒരുക്കാന് ശ്രമിച്ചെങ്കിലും അത് നടന്നിരുന്നില്ല. പിന്നീട് അര്ധരാത്രിയില് ബസില് പുറപ്പെടുകയാണ്. കൊച്ചിയിലെ ക്രൗണ് പ്ലാസയിലാണ് എംഎല്എമാരെ എത്തിക്കുന്നത് എന്നറിയുന്നു. എന്നാല് തങ്ങളുടെ എംഎല്എമാരെ പുതുച്ചേരിയിലേക്കാണ് മാറ്റുന്നത് എന്ന് ജെഡിഎസ് പറയുന്നു. ജെഡിഎസ് കേരളഘടകം ഇതു സംബന്ധിച്ച സ്ഥിരീകരണം നടത്തിയിട്ടില്ല.
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ