മുംബൈ : എയര്‍ ഇന്ത്യ ജീവനക്കാര്‍ക്ക് വിദേശ വനിതയുടെ അസഭ്യവര്‍ഷം. കൂടുതല്‍ മദ്യം ആവശ്യപ്പെട്ടത് നിരസിച്ചതിനെ തുടര്‍ന്നാണ് ഐറിഷ് വനിത എയര്‍ ഇന്ത്യ കാബിന്‍ ക്രൂ അംഗത്തെ അധിക്ഷേപിച്ചത്. എയര്‍ ഇന്ത്യയുടെ മുംബൈ-ലണ്ടന്‍ എഐ-131 വിമാനത്തില്‍ നവംബര്‍ 10 നായിരുന്നു സംഭവം.
ക്ലെയര്‍ ഇര്‍ബി എന്ന 30 കാരിയാണ് മോശമായി പെരുമാറിയത്. ആവശ്യപ്പെട്ടതുപ്രകാരം ഇവര്‍ക്ക് നാലുതവണ വിമാന ജീവനക്കാര്‍ വൈന്‍ നല്‍കിയിരുന്നു. തുടര്‍ന്നും വൈന്‍ വേണമെന്ന് യുവതി ആവശ്യപ്പെട്ടു. എന്നാല്‍ ഇതിന് ജീവനക്കാര്‍ വിസമ്മതിച്ചു.
ഇതോടെയാണ് ജീവനക്കാര്‍ക്ക് നേരെ യുവതി അസഭ്യവര്‍ഷം നടത്തിയത്. ജീവനക്കാരനെ ചീത്ത വിളിക്കുന്നതിന്റെ വീഡിയോ പുറത്തുവന്നിട്ടുണ്ട്. മറ്റൊരു കാബിന്‍ ക്രൂ അംഗമാണ് വീഡിയോ റെക്കോഡ് ചെയ്തത്. ഹീത്രൂ വിമാനത്താവളത്തില്‍ ലാന്‍ഡ് ചെയ്ത ഉടന്‍ തന്നെ ക്ലെയര്‍ ഇര്‍ബിയെ പൊലീസ് അറസ്റ്റ് ചെയ്തു.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
